Ռուսաստանը պատրաստ էր չեղարկել Վրաստանի հետ վիզային ռեժիմը. Կարասին
Ռուսաստանի ԱԳ փոխնախարար Գրիգորի Կարասինի հայտարարությամբ՝ Ռուսաստանը պատրաստ էր չեղարկել Վրաստանի հետ վիզային ռեժիմը, սակայն վերջին զարգացումների պատճառով հարցը հետաձգվեց: Այս մասին տեղեկացնում է Aliq.ge-ն:
«Այո, իսկապես վիզայի չեղարկման հարցը քննարկվում էր։ Մենք սկզբունքորեն պատրաստ էինք դրան, սակայն չստացվեց, հիմա պետք է սպասել լավ ժամանակների: Մենք այցեգրային ռեժիմը բավականին ազատականացրել ենք: Ռուսաստանի յուրաքանչյուր քաղաքացի իրավունք ունի Վրաստանից հրավիրել նրան, ում ցանկանում է: Ռուսաստան ժամանած Վրաստանի քաղաքացիների թիվը տարեցտարի ավելանում է, այդ պատճառով մենք պատրաստ էինք առաջ գնալ մինչև վիզայի չեղարկում»,- այս մասին ասել է ռուս դիվանագետը:
Բաժանորդագրվեք Top-News.am-ին Telegram-ում