Տավուշի նորանշանակ մարզպետը խուսափում է հանդիպել համայնքապետերի հետ
Տավուշի մարզպետ Հայկ Չոբանյանն իրեն մեկուսացրել է ոչ միայն մարզի շարքային բնակիչներից, այլ համայնքապետերից: Նա պարզապես խուսափում է ընդունել մարզպետարան եկած գյուղապետերին:
«Գերարագ զարգացող ժամանակակից աշխարհում անչափ կարևորվում է տեղեկատվության դերն ու նշանակությունը, առանց որի անհնար է նաև պատկերացնել պետական կառավարման համակարգի թափանցիկ գործունեությունը»,- Տավուշի մարզպետարանի կայքում գրել է մարզպետ Չոբանյանը, որն իր իսկ գրածը յուրօրինակ ձեւով է կիրառում:
Նա մարզպետարան եկած եւ իր հետ հանդիպել ցանկացող գյուղապետերին օգնականի միջոցով հրահանգում է հարցը գրավոր ձեւակերպել եւ հեռանալ: Գյուղապետերն այս տարօրինակ եւ մեծամիտ վերաբերմունքից արդեն մինչեւ կոկորդները դժգոհ են, բայց պատկերացում չունեն, թե ով կարող է կարգի հրավիրել մարզպետին:
Top-News.am
Բաժանորդագրվեք Top-News.am-ին Telegram-ում