8 ննջասենյակ, 2 լողավազան, մասնավոր գիշերային ակումբ․ 70 մլն դոլարով վաճառքի է հանվել ֆրանսիական Ռիվեյրայի ամենաթանկարժեք առանձնատունը (լուսանկարներ)
Ֆրանսիական Ռիվեյրայի ամենաթանկարժեք առանձնատունը՝ Villa Alang Alang-ը, 69,3 մլն դոլարով հանվել է վաճառքի, հայտնում է Luxury Launches-ը:
Շքեղ անշարժ գույքն ունի ութ ննջասենյակ, 25մ երկարությամբ երկու լողավազան, որոնցից մեկից չքնաղ տեսարան է բացվում դեպի Սեն Տրոպե քաղաքն ու Միջերկրական ծովը, մի քանի լոգասենյակ, ժամանացի երեք գոտի, մասնավոր գիշերային ակումբ, կինոթատրոն, մասնավոր լողափ, մարզասրահ, սպա սրահ, պարտեզ և, առհասարակ, հարմարավետ կյանքի համար անհրաժեշտ բոլոր պայմանները:
Նշվում է, որ այն իր տեսակի մեջ բացառիկ առանձնատուն է ֆրանսիական Ռիվեյրայում:
Հայտնի է, որ նախքան վաճառքը առանձնատունը հնարավոր է վարձակալել ամսական 415 000 դոլարով:
Բաժանորդագրվեք Top-News.am-ին Telegram-ում
