Ֆլեշմոբ՝ Facebook-ում․ օգտատերերը Վահե Գրիգորյանի օրինակով իրենք իրենց տարբեր պաշտոններում են նշանակում
Սահամանադրական դատարանի նորընտիր դատավոր Վահե Գրիգորյանի հայտարարությունը, թե մտնում է Սահմանադրական դատարան՝ ստանձնելով ՍԴ նախագահի լիազորությունների և պարտականությունների կատարումը, զավեշտալի մեկնաբանությունների է արժանացել սոցցանցի օգտատերերի շրջանում։
Սոցցանցում ֆլեշմոբ է սկսվել, ըստ որի՝ օգտատերերը Գրիգորյանի օրինակով իրենց տարբեր պաշտոններ են վերագրում, նշում, որ, եթե կարելի է բացառապես սեփական ցանկությամբ որևէ պաշտոն զբաղեցնել, ապա իրենք ևս օգտվում են այդ հնարավորությունից:
Aysor.am-ն առանձնացրել է գրառումներից մի քանիսը:
Areg Sargsyan
Քանի որ հունիսի 20-ը ԱԺ-ում հայտարարվել է Ինքնահռչակման օր, այդ կապակցությամբ ես ինձ հռչակում եմ Պոսեյդոն, ջրերի աստված (կարող ա գիտեք ոչ, բայց էդ իմ տարերքն ա, մանկուց երազել եմ):
Երազանքս ի կատար ածվել է
Մերսի քեզ Գրիգորյան Վահե
Aida Stepanyan
Ստանձնում եմ Ա. Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնը:
Մանկությունս անցել է արվեստի հետ տարբեր կերպ առնչություն ունեցող անձանց շրջանակում: Փոքրուց շատ եմ սիրել արվեստը, հատկապես՝ դասական երաժշտություն, թատրոն և բալետ: Հաշվի առնելով ՀՀ սահմանադրության մի շարք հիմնարար դրույթներ՝ սիրով ստանձնում եմ այս պաշտոնը:
Armen Ashotyan
Քանի Զոհրաբ Մնացականյանը երկրում չի, ես էլ ԱԳՆ-ն չվերցնե՞մ։
Artur Danielyan
Ինձ էլ դե կաթողիկոսի պաշտոնը...
Manvel Kostandyan
Իմ քայլի պատգամավոր Հովիկ Աղազարյանը իրեն հռչակել է homo sapiens:
Grisha Qaramyan
Գնում եմ Ազգային ժողովի այգի՝ ստանձնելով Ազգային ժողովի նախագահի լիազորությունները։
Marine Shahnazaryan
Մարինե Շահնազարյան, ՔԱՂԱՔԱՊԵՏ:
Հա, ի՞նչ, հետո ի՞նչ... Վահեին կարելի է, իսկ ինձ՝ ո՞չ:
Ե՛վ կրթությունս, և՛ ստացածս մասնագիտությունն է համապատասխանում, և՛ աշխատանքային ստաժը, ինչպես նաև տարիքը: Վայ, քիչ էր մնում մոռանայի կարևորը՝
ՍՏԵԼՈՒ ՍՈՎՈՐՈՒԹՅՈՒՆ ԷԼ ՉՈՒՆԵՄ։
Հրանտ Մելիք-Շահնազարյան
Հարգելի ընկերներ, պաշտոնապես հայտարարում եմ, որ ստանձնում եմ Հայաստանի Հանրապետության Անվտանգության խորհրդի քարտուղարի պաշտոնը... ...Վահե Գրիգորյանն այսօր ինքն իրեն նշանակեց Սահմանադրական դատարանի նախագահ, ու ինչ-որ բան ինձ հուշում է, որ դա պատահական «նշանակում» չէր։ Սա իշխող թիմի որդեգրած քաղաքականությունն է, որը նաև ապացույցն է այն ցավալի իրողության, որ պետություն այլևս չկա։ Նույն հաջողությամբ ցանկացած մեկը կարող է ինքն իրեն վարչապետ հռչակել, նախարար կամ դատավոր։ Նրանք նպատակ էին դրել քանդել մեր պետականությունը, և քայլ առ քայլ գնում են այդ ուղով:
Shiraz Khachatryan
Որ էդ ձև ա՝ հեսա ճշտեմ, թե ով է կամանդիր պալկաներից արձակուրդի մեջ, ես էլ ինձ նշանակեմ զորամասի հրամանատար։
Karen Grigoryan
Օգտվելով Պելեյի վատառողջությունից՝ Հայաստանի հավաքականն այսօր իրեն հռչակել է աշխարհի հնգակի չեմպիոն։
Armen Minasyan
Արարատյան դաշտն իրեն հռչակել է Սիլիկոնային հովիտ։
Hunan Hakobyan
Վաղը վերջին քննությունս ա, հանձնեմ ու հանգիստ որոշեմ, թե որ ֆակուլտետի դեկան կարամ դառնամ։
Ruzanna Beglaryan
«Քանի անգամ ինքնահռչակվես, այդքան մարդ ես» կարգախոսը մտել է քայլարիստների ջանը և դուրս չի գալիս։ Արդյունքում պարազիտները կթողնեն անբուժելի հետևանքներ...
Mihran Hakobyan
Կրկեսի բացման օրը հիշացրեք, թող Վահե Գրիգորյանն իրան Նիկոլայ Բաղդասարյան հռչակի:
Alen Ghulyan
Սամազվանեցին հուշեք, որ ասել-ասել ա, թող Մխիթար Գոշի Դատաստանագիրքն էլ իր վրա վերցնի։
Beniamin Matevosyan
Վերին Բռնակոթ գյուղի տրակտորիստ Համբիկը հարցնում է. «Եթե Երեւան տեղ մարդը կարա ինքն իրեն բարձր պաշտոն տա ու ինքն իրեն կարգի ՍԴ նախագահ, ապա կարո՞ղ է ազնիվ Համբիկն ինքն իրեն կարգել գյուղապետ ու, եթե հա, ապա ուզում է իմանալ՝ գյուղապետի էն սիրուն կինը պաշտոնի հետ իրան կանցնի՞, թե՝ չէ»։
Irina Danielyan
Ինձ էլ դե Վարչապետի պաշտոնը…
Narek Samsonyan
Կարգին Հայկոն հենց նոր իրեն հռչակեց Արգիշտի` Մենուայի որդի:
Lika Andreasyan
Մխիթար Հայրապետյանն օգտվելով երկրում ստեղծված իրավիճակից՝ իրեն հռչակել է Երևանի հյուսիսային թաղերի «ամիրա»։
Anna Martirosyan
Արարատ Միրզոյանը շնորհավորական ուղերձ է հղել Վահե Գրիգորյանին, ինչի տակ ստորագրել է որպես մարկիզ դը Միրզոյան:
Aren Apikyan
Ու ոչ ոք չֆայմեց իրան Նիկոլ հռչակի ու էս ամեն ինչի վերջը տա:
Armen Hovasapyan
50-ականներին մեր գեղը ռայկոմից մի հրահանգիչ ա գալի, մի չոբանի ասըմ ա՝ ուստա քեզ ուզըմ ենք կոլխոզի նախագահ տանք, կուզե՞ս:
Նա էլ թե՝ խի չեմ ուզի՝ վախըմ էս «Վիլիս»-իցը վե՞ր ընգնեմ:
Ըստ էության ես համեստ կգտնվեմ...
Ես ինձ նշանակում եմ Օձունի կոլխոզի նախագահ...«Վիլիս»-ից դժար՝ վեր ընգնեմ:
Նազենի Սարոյան
Մոգության նախարարի պաշտոնն եմ ուզում, չնայած ուզելս ո՞րն է, հռչակում եմ ինձ։ #իմչէմերբաժինպաշտոնը
Hayk Khachikyan
Ռազ ուժ պաշտոն սատանալը ըստ ցանկության ա, այսինքն ինչը դուրս եկավ, կարելի ա հռչակել, ու ֆլեշմոբոտ բան ա սկսվել «պաշտոնների բաժանման», ես էլ իմը ասեմ :D
Տակ ոտ, ինձ սառը ամերիկանո, ու հաշիվը խնդրում եմ:
Aren Bekanyan
Ես այլևս ստանձնում եմ Պլանի գլխի ծննդատան տնօրենի պաշտոնը, քանի որ հետհեղափոխական Հայաստանում միակն եմ, որ էս խառը գեյերի, տռանսների ու պռոստը գյոթերի միջավայրում կարամ ջոկեմ էքը որձից ու համ էլ գիտեմ փեթթինգի ու ռիմմինգի տեսությունը։ Ես տնօրենն եմ և վերջ։
Կարեն Վրթանեսյան
Ելնելով ստեղծված իրավիճակից՝ Վահե Գրիգորյանը հռչակել է իրեն ծովերի տիրուհի, ինչպես նաև առաջին մարդկանց և անդալների թագուհի։
Anahit Margaryan
ՔՊ վարչության ընդլայնված նիստում Արարատի մարզպետ Գարիկ Սարգսյանը հռչակվեց «Կրակադիլ Գենա»:
Narek Samsonyan
ՀՖՖ Նախագահ Նարեկ Սամսոնյան
Դե քանի որ էսօրվանից ով, ինչ ուզում իրան հռչակում ա, ես էլ հայտնում եմ բոլորիդ հետևյալը.
Այս պահից ինձ հռչակում եմ ՀՖՖ նախագահ: ՀՖՖ նախագահ դառնալու համար ունեմ մի քանի կարևոր պատճառ և փաստարկ, որոնք խարսխված են ՀՀ Սահմանադրության կոնկրետ դրույթների վրա:
Թվարկեմ դրանցից ոմանք. մանկուց սիրել եմ ֆուտբոլը, երկար տարիներ զբաղվել եմ պրոֆեսիոնալ ֆուտբոլով, այսօր էլ ունեմ բազմաթիվ մեծ նպատակներ և այդ նպատակները իրականություն դարձնելու գործիքներ և քանի որ մի խումբ մարդիկ ինձ համարում են նշածս ոլորտում գերպրոֆեսիոնալ և ՀՀ Սահմանադրությունն էլ (ինչպես Վահե Գրիգորյանի պարագայում) ինձ տալիս է լրիվ հնարավորությունները` այս պահից ինձ հռչակում եմ Հայաստանի Ֆուտբոլի Ֆեդերացիայի Նախագահ: Շուտով կգնամ Ֆեդերացիայի շենք և կփորձեմ Արթուր Վանեցյանի հետ համատեղ լուծումներ փնտրել ստեղծված իրավիճակից դուրս գալու համար:
Arsen Babayan
Դրա համար եմ ասում, որ մասնավորն ա ամենալավը...
Քո հիմնադրած ընկերությունն ա, քեզ ինչ ուզես կնշանակես։
Աղբյուրը՝ aysor.am