Զինված անձը BMW-ով հետապնդել է Hyundai-ին. ոստիկանները հասցրել են եւ բանը կրակոցների չի հասել

Կոտայքի եւ Գեղարքունիքի մարզերում, այսօր՝ հունիսի 18-ին, արտակարգ դեպք է տեղի ունեցել. ժամը 00։20-ի սահմաններում ոստիկանության Երեւան քաղաքի վարչության օպերատիվ կառավարկան կենտրոն ահազանգ է ստացվել մի քաղաքացուց, ով հայտնել է, որ իր եղբայրն ավտոմեքենայով Կոտայքի մարզից հասել է Գեղարքունիքի մարզի Գագարին ավանի վարչական տարածք եւ, այդ ընթացքում BMW մակնիշի ավտոմեքենայի վարորդը հետապնդում է եղբորը՝ ընթացքում զենք պահելով եղբոր ուղղությամբ։

Shamshyan.com-ի / հաղորդմամբ, ըստ ահազանգողի՝ զինված տղամարդը ցանկանում է հարձակվել եղբոր Hyundai մակնիշի ավտոմեքենայի վրա։ Կարճ ժամանակ անց ՃՈ ծառայողները դարանակալում են կատարել Երեւան-Սեւան ավտոճանապարհին եւ Գեղարքունիքի մարզի Սեւանի վարչական տարածքում կարողացել են հայտնաբերել թե հետապնդվող, թե հետապնդող ավտոմեքենաները։

Աղբյուրի տեղեկություններով՝ ապօրինի զենք պահելու կասկածանքով ճանապարհային ոստիկանները Սեւանի ոստիկանություն են բերման ենթարկում Երեւան քաղաքի Ավան վարչական շրջանի բնակիչ՝ ՌԴ քաղաքացի, 33-ամյա Դավիթ Թ.-ին, Երեւան քաղաքի Նոր Նորք վարչական շրջանի բնակիչներ՝ 25-ամյա Արամ Ի.-ին եւ 31-ամյա Արման Յ.-ին, որոնք եղել են BMW մակնիշի 36 AC 852 համարանիշի ավտոմեքենայով։

BMW մակնիշի ավտոմեքենան զննություն կատարելու ժամանակ վարորդ ներկայացող Արման Յ.-ն ոստիկաններին է ներկայացրել «Կոմպակտ» մոդելի 9 մմ տրամաչափի ատրճանակը։ Հետապնդվող ավտոմեքենան եղել է Hyundai մակնիշի 14 NN 004 համարանիշի։ Արամ Ի.-ն, Դավիթ Թ.-ն եւ Արման Յ.-ն բաց են թողնվել, իսկ նախապատրաստված նյութերն ուղարկվել են ոստիկանության Կոտայքի մարզային վարչություն՝ հետագա ընթացքը տարածքային ենթակայության կարգով լուծելու համար։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս