Գերմանիան եւ Մեծ Բրիտանիան Թեհրանին զգուշացում են արել
Գերմանիան եւ Մեծ Բրիտանիան Թեհրանին զգուշացնում են՝ չխախտել ուրանի պաշարների սահմանները, հաղորդում է AFP-ը:
Գերմանիայի արտգործնախարար Հայկո Մաասը պնդել է, որ Թեհրանը պետք է կատարի համաձայնագրի իր պարտավորությունները:
«Հենց Իրանը պետք է պահպանի իր պարտավորությունները: Մենք, իհարկե, չենք ընդունի պարտավորությունների միակողմանի կրճատումը»,- ասել է նա Լյուքսեմբուրգում ԵՄ ԱԳՆ ղեկավարների հետ բանակցություններից հետո:
Մեծ Բրիտանիայի կառավարության ղեկավարն աջակցել է այդ կոչը՝ հայտարարելով, որ Գերմանիան, Ֆրանսիան եւ Մեծ Բրիտանիան հետեւողական են այդ հարցում:
Հիշեցնենք, որ Իրանի ատոմային էներգիայի հարցով կազմակերպության մամուլի խոսնակ Բեհրուզ Կամալվանդին ավելի վաղ հայտարարել է, որ Իրանն արագացնում է ուրանի հարստացման գործընթացը, եւ 10 օրվա ընթացքում դրա պաշարները կգերազանցեն 300 կգ շեմը: Արակում միջուկային օբյեկտում լրագրողների հետ հանդիպման ժամանակ Կամալվանիդին հայտարարել է 2015թ. միջուկային գործարքի հարցով Իրանի որոշ պարտավորությունների իրականացման հետագա դադարեցման մասին՝ ներառյալ հարստացված ուրանի պաշարների անսահմանափակ մեծացման ծրագրերը:
Բացի այդ, նա հայտարարել է, որ Իրանը մեծացրել է հարստացված ուրանի արդյունահանությունը Նետենզի ատոմային օբյեկտում՝ հավելելով, որ հաշվարկը կսկսվի այսօրվանից:
«Մենք կանցնենք 300 կգ շեմը 110 օրում»,- նշել է նա՝ ասելով, որ նաեւ կբարձրանա ուրանի հարստացման տեպը՝ մինչեւ 3,67% մաքրություն: