Խուզարկվող տղամարդը փախել էր ոստիկանությունից, բայց հետո զանգահարել էր 911, որպեսզի դժգոհեր
Ֆլորիդայում խուզարկվող տղամարդը փախել է ոստիկաններից, իսկ հետո զանգահարել 911 ծառայություն եւ դժգոհել ոստիկանության անտարբերությունից, տեղեկացնում է AFP-ը։
«Ինչո՞ւ ենք մենք ձեզ վճարում, տղաներ։ Ես չորս ոստիկանի կողքով եմ անցել»,- ասել է 19-ամյա Նիկոլաս Ջոնսը 911-ի զարմացած օպերատորին։
Ջոնսը, որի հանդեպ խուզարկություն էր հայտարարված մի միջադեպի պատճառով, ձերբակալվել է մեկ օր անց։ Նրան ներկայացվել է մեղադրանք անզգույշ մեքենա վարելու, ոստիկանությունից փախուստի, 911-ը չարաշահելու եւ ժամկետից շուտ քրեակատարողական ազատման կարգը խախտելու համար։