Չինաստանը հայտարարել է, որ պատրաստ է ԱՄՆ-ի հետ առևտրային պատերազմ վարելուն
Չինաստանի Ժողովրդավարական Հանրապետության պաշտպանության նախարար Վեյ Ֆենհեն հայտարարել է, որ Պեկինը պատրաստ է Վաշինգտոնի հետ առևտրային պատերազմին, սակայն ողջունում է բանակցությունների հնարավորությունը:
Ինչպես նշում է ՏԱՍՍ գործակալությունը, այս մասին նախարարը հայտնել է Սինգապուրում ընթացող Ասիա-Խաղաղօվկիանոսյան տարածաշրջանի անվտանգության հարցերով միջազգային վեհաժողովի ժամանակ:
Նա նշել է, որ փոխադարձ առճակատումը կվնասի թե՛ Չինաստանին, թե՛ Միացյալ Նահանգներին, իսկ երկու երկրների հարաբերությունները կծաղկեն՝ չնայած վերելքներին ու անկումներին:
«Եթե ԱՄՆ-ն ցանկանում է բանակցել, մենք դռները բաց ենք թողնում, սակայն եթե ուզում է պատերազմել, մենք պատրաստ ենք»,- նախազգուշացրել է Վեյ Ֆենհեն:
Նախարարը հավելել է, որ Պեկինը հույս ունի ԱՄՆ-ի հետ համագործակցել «փոխադարձ շահի և առճակատումից խուսափելու» սկզբունքով: