«Ղարաբաղ այցելելու համար չեմ պատրաստվում ներողություն խնդրել». Վլադիմիր Սոլովյով (լուսանկարներ)
Ռուսաստանցի հեռուստահաղորդավար Վլադիմիր Սոլովյովը մեկնաբանելով նրա այցը Բաքու, որտեղ նրան ընդունեց նաև Ադրբեջանի նախագահ Իլհամ Ալիևը:
«Թվիթթերի» իր էջում պատասխանելով օգտատերի այն հարցին, թե ներողություն խնդրել է արդյո՞ք Արցախ այցելելու համար, Սոլովյովը պատասխանեց.«Ինչի՞ համար ես պետք է ներողություն խնդրեմ: Չեմ պատրաստվում ներողություն խնդրել: Բազմիցս այցելել եմ: Եւ իմ դիրքորոշումը չեմ պատրաստվում փոխել: Այն շատ լավ հայտնի է: Խնդրի ռազմական լուծում չկա»:
Սոլովյովը տեղեկացրեց նաև, որ Իլհամ Ալիևի հետ հանդիպման մասին կպատմի եթերում երեքշաբթի:
Հարցին՝ ինչու՞ ավելի մեծ ռեզոնանսի համար նա Բաքու չմեկնեց Մարգարիտա Սիմոնյանի և Տիգրան Քեոսայանի հետ, Վլադիմիր Սոլովյովը պատասխանեց. «Մեկնում էի ոչ թե ռեզոնանսի, այլ մի քանի ժամով: Երկրի նախագահի հետ զրուցելու համար»:
Ավելի վաղ Սոլովյովը նշել էր, որ «մանրամասն զրուցել է Իլհամ Ալիևի հետ Ալեքսանդր Լապշինի և Մարատ Ուելդանովի մասին»:
Ի դեպ՝ Սոլովյովի համար ուրբաթ Բաքու կատարած այցն առաջինն էր այդ երկիր:
Zham.am
