Անթույլատրելի է Սեւանում ձկնորսության իրավունք տալ առանց նրա պաշարների գնահատման
Անթույլատրելի է Սեւանում ձկնորսության իրավունք տալ առանց նրա պաշարների գնահատման: Ապրիլի 25-ին լրագրողների հետ հանդիպմանն այս մասին Գիտությունների ազգային ակադեմիայի Ձկնաբանության եւ հիդրոէկոլոգիայի գիտական կենտրոնի տնօրեն Բարդուխ Գաբրիելյանը:
Փորձագետը հիշեցրեց, որ ՀՀ Կառավարությունն այս տարի մրցույթ չի հայտարարել ձկան եւ խեցգետնի պաշարների որոշման համար:
Սակայն առանց Սեւանի պաշարների որոշման նպատակահարմար չէ արդյունագործական որս թույլատրել:
Նրա խոսքով նման դեպքեր եղել են նաեւ անցյալում, ինչը հետագայում բացասական հետեւանքներ է ունեցել:
«Կարեւթր է ոչ թե ձկան բացարձակ քանակը, այլ դինամիկան, այսինքն նախքան իշխանությունները կթույլատրեն ձկան այս կամ այն քանակի որսը, պետք է հասկանալ՝ արդյոք ձկան պոպուլյացիան կրճատման թե ավելացման միտում ունի», - ասաց փորձագետը:
Գաբրիելյանը հավելեց, որ մրցույթից հրաժարվելը եւ ձկան պաշարների ուսումնասիրման համար 7 մլն դրամի հատկացման մասին որոշման բացակայությունը պետական կառույցների կողմից բացատրվում է նրանով, որ այդ գումարը բավարար չէ համալիր հետազոտության համար:
«Սակայն տրամաբանությունը հուշում է, որ գումարի հատկացումը, թեկուզ փոքր, ավելի լավ է, քան ընդհաննրապես չհատկացնելը:
Այդ միջոցները կարելի է ուղղել ձկան գոնե մեկ տեսակի պաշարների ստուգմանը, օրինակ սիգի», -ընդգծեց գիտնականը:
«Ոչ մի կազմակերպություն, բացի մեր ինստիտուից, չունի այն ներուժը, որը թույլ կտա հետազոտություններ անցկացնել: Ազգային պարկը, որին դիմել է Բնապահպանության նախարարությունն, իր հերթին, դիմել է մեզ», - նշեց նա:
Բարդուխ Գաբրիելյանը հավելեց, որ իրենց ինստիտուտը, ռուս գործընկերների հետ, որոնք անհրաժեշտ տեխնիկա են տրամադրում, կարող է միջազգային չափանիշներին համապատասխան հետազոտություններ կատարել: «Կյանքը ցույց է տվել, որ մեր կանխատեսումը մշտապես կատարվել է:
Միջազգային չափանիշներին համապատասխան՝ սխալը կարող է 20 տոկոս կազմել: Մեզ միշտ հաջողվել է հասնել այդ արդյունքներին: Սեւանի խնդիրների վերաբերյալ որոշումներ ընդունելով՝ անհրաժեշտ է հիմնվել մասնագետների եզրակացությունների վրա, այլ ոչ թե ասեկոսների», - ասում է ինստիտուտի տնօրենը:
Անդրադառնալով Սեւանի ջրի մակարդակի խնդրին, փորձագետը նշեց, որ անհրաժեշտ է աշխատել ջրի ծավալն ավելացնելու ուղղությամբ եւ հասնել դրության, երբ բացասական հաշվեկշիռ չի լինի, հակառակ դեպքում դա կարող է հանգեցնել անդառնալի հետեւանքների: Նա ավելացրեց, որ արտահոսող գետերի վիճակը գտնվում է անբավարար վիճակում, եւ նրանցից շատերը պիտանի չեն ձկնաբուծության համար: