Կենցաղում կանայք ավելի անկախ են դարձել
Ժամանակակից կանայք ավելի մեծ խանդավառությամբ են ձեռնամուխ լինում այն գործերին, որոնք նախկինում համարվում էին «տղամարդու գործ»: Օրինակ՝ 18-30 տարեկան հարցվածների 48%-ը հաճույքով իրենք են հավաքում տան կահույքը, համեմատած իրենց մայրերի (28%) և տատիկների (7%) հետ: Այս եզրակացությանն է եկել OnePoll հետազոտական գործակալությունը, որը հարցում է անցկացրել Յեյլի համալսարանի 2 հազար կանանց շրջանում:
Յուրաքանչյուր երկրորդ ժամանակակից կին պատրաստ է փոխել այրված լամպերը, ներկել սենյակի պատերը և կախել նկարը։ Համեմատության համար`տատիկների թիվը, ովքեր նույն տարիքում կարող էին դա անել, չի գերազանցում 17% -ը: Միևնույն ժամանակ, ինչպես ցույց է տվել ուսումնասիրությունը, նրանց մայրերը հաճախ են պատերը պաստառապատել (30%) և փոխել այրված լամպը (22%): Ժամանակակից կանայք նման գործերին մասնակցում են համապատասխանաբար 22% և 20%-ով:
Հետազոտությունը ցույց է տվել, որ չնայած կանայք պատրաստ են կենցաղային տարբեր խնդիրների լուծել, սակայն ահազանգի համակարգերի տեղադրումը չի մտնում այս ցուցակում (10%): Ընդհանուր առմամբ, կանանց 53%-ը կարծում է, որ կարող է հեշտությամբ հաղթահարել առօրյա խնդիրները, սակայն 6%-ը փորձում է խուսափել դրանցից: