Օրական 2 գավաթ. Ֆրանսիայի առողջապահության նախարարությունը ֆրանսիացիներին խորհուրդ է տվել քիչ գինի խմել

Ֆրանսիայի առողջապահության նախարարությունը երկրի քաղաքացիներին խորհուրդ է տվել նվազեցնել գինու օգտագործման ծավալներն ու սահմանափակվել օրական 2 բաժակով:

Ինչպես նշում է The Guardian-ը, չափահաս ֆրանսիացիների ¼-րդը չափից ավելի է ալկոհոլ օգտագործում, ինչի հետևանքով երկրում տարեկան 40 000-ից ավելի մարդ է մահանում:

«Խոսքը մոտ 10,5 մլն չափահաս մարդու մասին է, որոնք չափից շատ են խմում: Դա ավելացնում է քաղցկեղի տարբեր տեսակների, արյան ճնշման, սիրտ-անոթային հիվանդությունների առաջացման ռիսկերը»,-հայտնել են նախարարությունից:

Իշխանությունները խորհուրդ են տվել շաբաթական 10 բաժակից ավելի գինի չխմել:

Սակայն շատերին այս նախազգուշացումը դուր չի եկել: Որոշ ֆրանսիացիներ նշել են, որ գինին ֆրանսիական մշակույթի անքակտելի մասն է: