Մեզ բոլորիս զգուշացրել են, որ մեզ ձերբակալելու են. Ազատամարտիկների դաշինք
Ըստ ազատամարտիկ Ռազմիկ Պետրոսյանի՝ Լեռնային Ղարաբաղի Պաշտպանության բանակի նախկին հրամանատար Սամվել Բաբայանի ձերբակալությունն ունի քաղաքական ենթատեքստ: Նրա կարծիքով, եթե անգամ ԱԱԾ պարզել էր, որ Բաբայանը ապստամբական գործողություն էր պլանավորել, ապա կարող էր սպասել, քանի որ մնացել էր մեկ շաբաթ ընտրություններին:
«Իհարկե, քաղաքական ենթատեքստ ունի: Այս ամենն ուղղված էր մեզ բոլորիս դեմ: Մենք չենք հավատում, որ Սամվել Բաբայանը կարող էր երկրի համար վտանգավոր գործողություն անել»,-այսօր լարգորղների հետ հանդիպման ժամանակ նշեց նա:
Հարցին՝ ինչու հենց Սամվել Բաբայանը, և ինչ է փոխվում նրա ձերբակալությունից հետո դաշինքի մոտ, նա նշեց, որ դեռ Ջրառատի դեպքերից հետո Բաբայանը համարվում էր առաջնահերթ թիրախ, նրան փորձում էին ներկայացնել որպես դաշինքի ստվերային առաջնորդ:
«Սա խոսում է իշխանության վախի մասին: Մենք շարունակելու ենք մեր մարտավարությունը ու հասցնելու ենք հաղթական ավարտի»,-ասաց նա:
«Արաբո» ջոկատի հրամանատար Մանվել Եղիազարյանն էլ նշեց, որ Սամվել Բաբայանն անձեռնմխելի չէր, թեկնածու չէր, դրա ամար ամենահարմար թիրախն էր:
Ըստ նրա՝ նպատակը վախի մթնոլորտ ստեղծելն էր, քանի որ ընտրությունները կեղծվելու են:
«Վախը մեզ չի վերաբերում, այլ սովորական քաղաքացուն: Քաղաքացին տեսնում է, եթե ձերբակալում են արցախյան հերոսին, ապա իրեն էլ են ձերբակալելու»:
Հարցին՝ մամուլում նշվում էր, որ հաջորդ ձերբակալվողը կարող է լինել ՕՐՕ դաշինքի առաջնորդ Սեյրան Օհանյանը, հնարավո՞ր է դա, Եղիզարյանը պատասխանեց.
«Սեյրան Օհանյանը թեկնածու է, և իրեն չեն ձերբակալի, բայց եթե Սեյրան Օհանյանը մտել է պայքարի և պետք է վախենա ձերբակալվելուց, ուրեմն իզուր է մտել, բայց նա չի վախենում»,-ասաց նա:
Որտեղ բանտերը լցվում են քաղբանտարկլյաներով, ուրեմն ռեժիմի վերջը եկել է:
Ինչ վերաբերում է հետընտրական գործընթացներին, ապա, ըստ Ռազմիիկ Պետրոսյանի, եթե ընտրությունները կեղծվեն, իրենք չենք հանդուրժելու, և հետընտարական գործընթացներ պայքարի տեսքով լինելու են:
Ազատամարտիկ Գագիկ Մելքոնյան էլ իր հերթին ավելացրեց.
«Հետաքրքիրն այն է, թե «Իգլան» Սամվել Բաբայանի ինչին էր պետք: Ինձ թվում է՝ դրա տակ ուրիշ բան կա: Ըստ մամուլի՝ ամսի 27-ին պատրաստվում էր տեռակտ: Բաբայանի վրա աշխատանքներ տարվում էին արդեն վեց ամիս: Օհանյան Սեյրանին էլ են վախեցնում, մեզ էլ, բայց վախենալ չկա, մենք մեր վախը պատերազմի ժամանակ առել ենք: Բաբայան Սամվելն այն մարդն է, որ իր կյանքը կտա տարածքների համար, նա չի ուզում Ղարաբաղը տեսնել նսեմացած և Ադրբեջանի կազմում: Նրան ամենաշատը թուրքերն են ատում: Մերոնք աջակցում են սրանով թուրքերին և իրականցնում են նրանց երազանքը»,-ասաց նա:
Գագիկ Մելքոնյանը նաև նշեց, որ իրենց աղբյուրներն արդեն տեղակացրել են, որ իրենց կալանավորելու են։
Աղբյուրը՝ «Zham.am»