«Էլ հաց բերող չունենք». գյումրեցի երիտասարդները Արթուր Սարգսյանի հիշատակին փողոցներում հաց են բաժանել (Տեսանյութ)

Այսօր, մարտի 19-ին, գյումրեցի մի խումբ երիտասարդների կողմից քայլերթ է իրականացվել՝ նվիրված «Հաց բերող» Արթուր Սարգսյանի հիշատակին:

Երիտասարդները Գյումրու Թատերական հրապարակից քայլել են դեպի Վարդանանց հրապարակ: «Սուրբ Յոթ Վերք» եկեղեցում մոմավառություն են իրականացրել եւ աղոթք բարձրացրել Արթուր Սարգսյանի հոգու հանգստության համար: 

Երթի ընթացքում գյումրեցի երիտասարդները հաց են բաժանել անցորդներին՝արժեւորելով Արթուր Սարգսյանի մարդասիրական քայլը:

Գյումրեցի երիտասարդների երթը ուղեկցվել է՝ «Սոված մնացինք», «Հաց բերողին սպանեցին», «Էլ հաց բերող չունենք», «Արթուրի մահը գործող ռեժիմի խղճին է» վանկարկումներով:

Նշենք, որ վաղը գյումրեցի երիտասարդները կրկին հավաքվելու են Գյումրու Թատերական հրապարակում:

Դավիթ Գասպարյան, Գյումրի