«Օհանյան-Րաֆֆի-Օսկանյան» դաշինքի նախընտրական հանդիպումը Մալաթիա Սեբաստիայում (Լուսանկար)
«Օհանյան-Րաֆֆի-Օսկանյան» դաշինքի քարոզարշավը շարունակվում է․ այսօր՝ մարտի 19-ին նախատեսված են նախընտրական հանդիպումներ Երևանի մի շարք համայնքներում։ Ինչպես արդեն տեղեկացրել էինք, առաջին հանդիպումը տեղի ունեցավ Շենգավիթ համայնքում։ Երկրորդը՝ Մալաթիա Սեբաստիայում էր։
«Համախմբում» կուսակցության նախագահ Վարդան Օսկանյանը, «Ժառանգություն» կուսակցության փոխնախագահ Արմեն Մարտիրոսյանը և ՀՀ Պաշտպանության նախկին նախարար Սեյրան Օհանյանը ընտրողներին ներկայացրեցին իրենց դաշինքի նախընտրական ծրագիրը։ Հավաքին ելույթ ունեցան նաև այս համայնքում դաշինքի կողմից առաջադրված ռեյթինգային թեկնածուները։
Իր ելույթում դաշինքի նախընտրական ցուցակը գլխավորող ՀՀ Պաշտպանության նախկին նախարար Սեյրան Օհանյանը նշեց, որ հասկանալու համար երկրում արմատական փոփոխությունների անհրաժեշտությունը, բավական է ճիշտ գնահատել ներկայիս ծանր վիճակը։
«Ժառանգություն» կուսակցության փոխնախագահ Արմեն Մարտիրոսյանը կոչ արեց ընտրողներին ձայն չտալ ՀՀԿ-ին և այդ կուսակցության կողմից առաջադրված ռեյթինգային թեկնածուներին, քանի որ դրանով մարդիկ ձայն են տալիս Սերժ Սարգսյանին։
Zham.am
