Սաուդյան Արաբիայում մահացել է թագավորության հիմնադրի որդին
Սաուդյան Արաբիայի թագավորության հիմնադիր արքայազն Թալալ բեն Աբդել Ազիզը վախճանվել է կյանքի 88-րդ տարում, Twitter-ում տեղեկացրել է նրա որդիներից մեկը, հաղորդում է ՌԻԱ «Նովոստի»-ն։
Արքայազն Թալալը սաուդյան պետության հիմնադիր Աբդել Ազիզ ալ-Սաուդի 18-րդ որդին էր։ Իշխող միապետը՝ Սալման բեն Աբդել Ազիզը, նրա խորթ եղբայրն է։
Անցած հարյուրամյակի 50-ականների վերջին նա զբաղեցրել է թագավորության տրանսպորտի առաջին նախարարի պաշտոնը, հետո եղել է ֆինանսների նախարարը։ 1960-ական թթ. սկզբին Թալալը կոշտ քննադատության է ենթարկել միապետության իշխանական համակարգը։ Ստեղծելով «Ազատ էմիրներ» շարժումը՝ նա մի քանի տարի տարագրվել է Կահիրե, որտեղ վայելել է արաբական հանրապետության նախագահ Գամալ Աբդել Նասերի աջակցությունը։ Միջազգային լրատվամիջոցները տոհմիկ սաուդյան խռովարարին անվանել են Կարմիր արքայազն։ Մի քանի տարի անց նա ավագ եղբոր՝ Ֆեյսալ թագավորի կողմից ներման է արժանացել եւ վերադարձել Էր Ռիյադ։
Հայտնի սաուդցի միլիարդատեր ալ Վալիդ բեն Թալալը վախճանված արքայազնի որդիներից մեկն է։