132 պատգամավորները միասին վերցրած մեր վրա մեկ ամսում կնստեն 186 հազար դոլար
ԿԸՀ նախագահ Տիգրան Մուկուչյանը ԿԸՀ արտահերթ նիստում ներկայացրեց ԱԺ-ում մանդատների բաշխման որոշումը։
Ըստ այդմ՝ ԱԺ անցած 3 ուժերից «Իմ քայլը» դաշինքը ստանում է 84 մանդատ, որին գումարվում է ազգային փոքրամասնությանը հասանելիք 4 մանդատը, այսինքն՝ ընդհանուր 88 մանդատ։
Իսկ որքան աշխատավարձ կստանան ԱԺ ղեկավարներն ու պատգամավորները:
Ըստ օրենքով ամրագրված գործակցի ու հաշվարկի՝ ԱԺ նախագահի աշխատավարձը կազմում է 1 միլիոն 190 հազար 520 դրամ: Ազգային ժողովի նախագահի տեղակալի աշխատավարձը կկազմի 925 հազար 960 դրամ: Ազգային ժողովի մշտական հանձնաժողովի նախագահը կստանա 793 հազար 680 դրամ, նրա տեղակալը՝ 694 հազար 470 դրամ:
Ազգային ժողովի պատգամավորի աշխատավարձը 661 հազար 400 դրամ է: Այսպիսով, միասին վերցրած նրանք միայն մեկ ամսում կստանան 90 միլիոն 347 հազար 240 դրամ կամ մոտ 186 հազար դոլար:
Ի դեպ, Ազգային ժողովի աշխատակազմի ղեկավարի աշխատավարձը 793 հազար 680 դրամ է: Ազգային ժողովի աշխատակազմի ղեկավարի առաջին տեղակալը եւ ԱԺ նախագահի գլխավոր խորհրդականը կստանան 661 հազար 400 դրամ:
Ազգային ժողովի նախագահի օգնականի եւ Ազգային ժողովի աշխատակազմի ղեկավարի տեղակալի վարձատրությունը 529 հազար 120 դրամ է:
Ազգային ժողովի նախագահի մամուլի քարտուղարի աշխատավարձը կկազմի 529 հազար 120 դրամ: Ազգային ժողովի նախագահի ռեֆերենտը կստանա 396 հազար 840 դրամ աշխատավարձ: Ազգային ժողովի նախագահի տեղակալի խորհրդականի և Ազգային ժողովի աշխատակազմի ղեկավարի խորհրդականի աշխատավարձերը կազմում են 363 հազար 770 դրամ:
Ազգային ժողովի նախագահի տեղակալի օգնականի աշխատավարձը 330 հազար 700 դրամ է, ԱԺ աշխատակազմի ղեկավարի օգնականի և ԱԺ խմբակցության, պատգամավորական խմբի փորձագետինը՝ 297 հազար 630 դրամ: ԱԺ պատգամավորի վճարովի հիմունքներով օգնականի աշխատավարձն էլ 198 հազար 420 դրամ է:
Ահա այսպիսի պատմություն:
Top-News.am