Pornhub կայք այցելողների կեսից ավելին Հայաստանում կանայք են
Ըստ վիճակագրության Հայաստանից Pornhub այցելողների կեսից ավելին կանայք են: Նույն պատկերն է նաև հարևան Վրաստանում: Թուրքիայից այցելուների մեծ մասը տղամարդիկ են, իսկ Իրանից ու Ադրբեջանից կայք այցելող իգական սեռի ներկայացուցիչները կեսից ավելի քիչ են:
Pornhub կայքը ներկայացրել է ընթացիկ տարվա վիճակագրությունը՝ ներկայացնելով կայքի այցելուների թվով առաջատար երկրները, նախընտրելի հոլովակների թեմատիկան, ամենաորոնված աստղերին և այլն:
Նշվում է, որ 2018թ. կայքն ունեցել է 33.5 մլրդ այցելու, ինչը 5 մլրդ-ով գերազանցում է 2017թ. ցուցանիշը, իսկ օրական այցելուների թիվը գերազանցել է 100 մլն-ը:
Ընթացիկ տարում կայքում ամենաշատ որոնվող անձը եղել է նախկին պոռնոաստղ Սթորմի Դենիելսը, որը առավել հայտնի է դարձել ԱՄՆ նախագահ Դոնալդ Թրամփի հետ սեսքուալ սկանդալի ֆոնին, իսկ կայքի այցելուների ամենանախընտրած թեման՝ լեսբուհիների մասնակցությամբ հոլովակներն են: