Որքան ՀՀ քաղաքացի է այս պահին ապրում Հայաստանում
Պարզվում է, որ Հայաստանում ավելի քան 2.5 միլիոն ընտրող կա, սակայն պարզ է նաեւ, որ Հայաստանի իրական բնակչության թիվը բոլորովին կապ չունի այն թվերի հետ, որը հաճախ մատնացույց են անում կամ հրապարակում պետական պաշտոնյաները:
Այսօր բավական հեշտ է պարզել, թե որքան է այս կամ այն երկրի, այդ թվում եւ Հայաստանի իրական բնակչության թիվը (հիմա մի շարք պատճառներով այդ թիվը չենք հրապարակում):
Հացի սպառում, բնակչության կողմից գազի եւ էլէներգիայի սպառում, ծնվածների եւ մահացածների թիվ: Այս ամենը բավարար է հասկանալու համար, թե որքան է տվյալ երկրի բնակչության թիվը:
Իսկ Հայաստանի բնակչության ընտրողների իրական թիվը պարզելու համար ընդամենը վերցնում ես իրական բնակչության թիվը եւ վերցնում դրա 65 տոկոսը (+,- 2-3 տոկոս):
Ի դեպ, նույնիսկ ընտրությունների նկատմամբ ամենամեծ հետաքրքրության դեպքում, բնակչության մոտ 33 տոկոսը ընտրություններին չի մասնակցում: Այժմ Հայաստանում անցկացվող տարբեր հարցախույզները եւ հարցումները վկայում են, որ 25-35 տոկոսը չի պատրաստվում ներկայանալ ընտրատեղամասեր:
Ամեն ինչ շատ ավելի պարզ է, քան կարծում եք:
Աշոտ Խաչատրյան
Top-News.am