«Ես վախենում եմ¸ որ դուք վախենում եք այս ընտրություններից». Վ. Օսկանյան
Այսօր Օհանյան-Րաֆֆի-Օսկանյան դաշինքը Վայոց ձորի մարզում է: Նրանց առաջին կանգառը Եղեգնաձորն էր:
Բնակիչների հետ հանդիպման ժամանակ «Ժառանգություն» կուսակցության փոխնախագահ Արմեն Մարտիրոսյանը նշեց¸ որ այսօր ունենք երկիր որտեղ արտաքին պարտքը այս տարվա վերջ արդեն կկազմնի 6.2 մլրդ դոլար:
«Ունենք մի երկիր¸ որը մրցում է Ադրբեջանի հետ քաղբանտարկյաների թվով: Ազատություն բոլոր քաղբանտարկլյալներին: Իշխանությունների խոստացած խորը և համապարփակ համաներումը մեր իշխանության ժամանակ է լինելու և այդ համաներման մեջ լինելու են նաև քաղբանտարկյալները: Իրենք համաներման կարիք չունեն¸ բոլորը ազատության մեջ են լինելու¸ այդ թվում Սասնա ծռերը»:
Նրա խոսքով այսօր մենք մեր երկրում ազատ չենք. թույլ չեն տալիս մասնակցել քաղաքական միավորումների կամ պարտադրում են դառնալ հանրապետական¸ փոքր ու մնշիջին բինեսին հարկախեղդ են անում կամ ուժային քայլերով սնանկացնում են:
«Օհանյան-Օսկանյան դաշինքը եկել է այդ իրականությունը փոխելու¸ իսպառ վերացնելու¸ մենք գալիս ենք համակարգաին փոփոխություններ անելու: Դրա համար էլ ասում ենք սահմանդրական փոփոխություններ պետք է լինեն¸ անկախ դատարաններ¸ ուժային կառույցներ¸ անկախ հարկային և մաքսային մարմիններ»:
Նրա խոսքով հատուկ ուշադրություն է դարձվելու արտաքին քաղաքականությանը: Հանձինս Վարդան Օսկանյանի¸ Րաֆֆի Հովհաննիսյանի ապահովվելու է ինքիշխանությունն ու անկախությունը:
Համախմբում կուսակցության նախագահ Վարդան Օսկանյանն էլ նշեց¸ որ գիտի՝ ժողովուրդը հիասթափված է ընտրություններից¸ ունի դառը փորձ¸ բայց այս անգամ հնարավոր է իշխանափոխության հասնել:
«Ուզում եմ երկու բանի նորից հավատաք՝ մեկ¸ որ ընտրություններով հնարավոր է իշխանափոխության հասնել¸ երկրորդ՝ իշխանափոխությունից հետո¸ եթե եկան այնպիսի մարդիկ ¸ որոնք ներկայացված են մեր դաշինքում՝ փորձով¸ ապագայի տեսլականով¸ ապա շատ արագ հնարավոր է փոխել մեր երկրում իրավիճակը և երկիրը դնել զարգացման ճիշտ ճանապարհի վրա: Առանց այդ հավատի մենք չենք կարողանալու իրականացնել այդ հեղափոխությունը: Վախը ձեր միջից հանեք»¸-ասաց նա և մեջբերեց ԱՄՆ նախագահ Ռուզվելտի խոսքերը.
«Միակ բանը¸ որից պետք է վախենալ¸ դա հենց վախն է: Ես իսկապես վախենում եմ այդ վախից: Ես վախենում եմ¸ որ դուք վախենում ենք այս ընտրություններից՝ գնալու ձեր ազատ կամքը դրսևորելկու: Գնացեք համարձակ քվեարկեք ձեր խղճի կամոք »:
Նրա խոսքով¸ պետք չէ ընտրակաշառք վերցնելով¸ ծախել երեխաների ապագան:
ՕՐՕ դաշինքը գլխավորող Սեյրան Օհանյանը¸ դիմելով եղեգնաձորցիներին ասաց¸ որ այս կարևոր ժամանակահատվածում ժողովուրդը լինելու է իրենց համար ամենակարևոր արժեքը:
«Մարդուն ազատություն տալը¸ մարդու համար պայմաններ ստեղծելը¸ որ բարեկեցիկ կյանքով ապրի»:
Ըստ նրա կա մի քանի հանգամանք¸ որը թույլ կտա որոշելու¸ թե ում է վստահելու ժողովուրդն իր ապագան: Առաջին՝ իրադրության գնահատում՝ արդյո՞ք այս իրադրությունը թույլ է տալիս¸ որ երկրի զարգացումը ապահովենք: Երկրոդ՝ ովքեր են իրենց առջև կանգնած:
«Րաֆֆի Հովհաննիսյանի մեջ տեսնում ենք համարձակ¸ ըմբոստ մարդու¸ ով մեծ վստահություն է ձեռք բերել ժողովրդի մոտ : Վարդան Օսկանյանի մեջ տեսնում ենք մարդու¸ որը մեր լավագույն դիվանագետներից է¸ նրա ղեկավարման ընթացքում Հայաստանի վարկը¸ արժանիքները եղել են շատ բարձր մակարդակի և Լեռնային Ղարաբաղի հարցում ամրագրվել է ինքնորոշման գաղափարը: Մյուսը՝ ես եմ եղել բանակում: Կարծում եմ՝ 25 տարի ծառայելով հայկական բանակում¸ ես վատ չեմ ծառայել¸ ես լավ եմ ծառայել : Ունեցել եմ նաև թերություններ¸ բայց հայկական բանակի շարունակական զարգացման ապահովումը այսօր իրականացնում են այն հենքի վրա¸ որ 8.5 տարի ես եմ հիմքը դրել»: