Որակը հաջողության թիվ մեկ գրավականն է…
1996 թվականին Արտաշատ քաղաքում երեք եղբայրներ բացեցին տնտեսական ապրանքների փոքրիկ խանութ: Տարիների ընթացքում ընդլայնելով իրենց ապրանքատեսականին՝ Համբարձումյան եղբայրները կարողացան հաջողակ բիզնես հիմնել: Արտաշատ քաղաքում իրենց խանութի մասին բոլորը գիտեն: Սա շինանյութի, շինարարական գործիքների, կենցաղային ապրանքների և գյուղատնտեսական տեխնիկայի մասնագիտացված խանութ-սրահ է, որտեղ յուրաքանչյուր գնորդ կգտնի իր նախասիրություններին և ճաշակին համապատասխանող ապրանքատեսականի:
«Մենք զբաղվում ենք մեր շատ սիրելի գործով: Բիզնես հիմնելիս գումարից բացի անհրաժեշտ է սրտացավ մարդկանց առկայությունը»,- նշում է տնօրեն Գագիկ Համբարձումյանը:
Վերանորոգման աշխատանքներ կատարելիս միայն բարձրորակ շինանյութերով կարելի է բարձր որակ ստանալ: Տան հաճելի ինտերիերը կենցաղդ ներկում է վառ երանգներով, բարձրացնում տրամադրությունդ և ապահովում կոմֆորտ պայմաններ: Հարմարավետություն սիրող մարդիկ վերանորոգման աշխատանքներին ամենայն լրջությամբ են մոտենում. այս հարցում կարևոր է յուրաքանչյուր դետալ. «Այցելելով մեր խանութ-սրահ յուրաքանչյուր գնորդ կգտնի իր բնակարանի վերանորոգման աշխատանքների համար անհրաժեշտ տեսականի: Մեզ համար առաջին տեղում է որակը: Մեզ մոտ այցելում եմ ոչ միայն Արտաշատի բնակիչներն, այլ Երևանից են գալիս: Մեր խանութ-սրահում չէ բառը չկա»,- նշում է տնօրեն Համիկ Համբարձումյանը:
Կենցաղդ քեզ համար հոգս չէ, եթե ձեռքիդ տակ ունես բարձրորակ կենցաղային տեխնիկա: 21-րդ դարում ժամանակին համահունչ քայելն անհրաժեշտություն է: Անհրաժեշտը, բարձրորակն ու նորաոճը ՀՎԳ Համբարձումյաններ խանութ-սրահից կգտնեք. «Մեր խանութ-սրահում ներկայացված տեսականին շատ բազմազան է: Մեզ մոտ կարող եք կատարել ինչպես մանրածախ, այնպես էլ մեծածախ գնումներ: Մենք հանդիսանում ենք էլեկտրատեխնիկա արտադրող շվեյցարական ABB և ռուսական IEK ընկերությունների պաշտոնական ներկայացուցիչն Արտաշատում»,- նշում է տնօրեն Հ. Համբարձումյանը:
Գյուղատնտեսական աշխատանքները հեշտությամբ կարելի է կազմակերպել, եթե կարողանաս գտնել համապատասխան գյուղատնտեսական պարագաները: ՀՎԳ Համբարձումյաններ խանութ-սրահում նաև այս ուղղության մասին են մտածել:
Բարձորակ սպասարկում, որակյալ և բազմազան ապրանքատեսականի և պատրաստակամ խորհրդատու-վաճառողներ, որոնք ձեզ կօգնեն շահավետ գնումներ անել. «Մեր աշխատակիցները պետք է առավելագույն գիտելիքներ ունենան իրենց աշխատանքի վերաբերյալ: Չի կարող լինել դեպք, երբ հաճախորդն անհրաժեշտ խորհրդատվությունը չստանա: Դրա համար մեզ մոտ աշխատակացիներին սովորեցնում ենք իրենց աշխատանքի հետ կապված ամեն ինչ»,- նշում է տնօրեն Գ. Համբարձումյանը:
Պրոֆեսիոնալ աշխատանքի, պրոֆեսիոնալ մոտեցումների և բարձր որակի շնորհիվ ՀՎԳ Համբարձումյանները համագործակցում են հայաստանյան բազմաթիվ խոշոր ընկերությունների հետ: ՀՎԳ-ի հեղինակության շնորհիվ՝ խանութի ապրանքատեսականուց օգտվում են մարզի շատ դպրոցներ, գյուղապետարաններ, ինչպես նաև Արտաշատի քաղաքապետարանը:
Բարձր որակ, ազնիվ մղումներ և սեփական հայրենակիցներին լավագույնը մատուցելու հստակ քաղաքականություն. սրանք են ՀՎԳ Համբարձումյաններ եղբայրների գործելաոճի հիմնական սկզբունքները:
