Նախագահ Արմեն Սարգսյանը Լուկաշենկոյի հետ քննարկել է Ադրբեջանին զենք վաճառելու Բելառուսի որոշումը
Հայաստանի Հանրապետության նախագահ Արմեն Սարգսյանը, որ Մյունխենյան անվտանգության համաժողովին մասնակցության շրջանակում գտնվում է Բելառուսի մայրաքաղաք Մինսկում, իր բելառուս գործընկերոջ՝ Ալեքսանդր Լուկաշենկոյի հետ քննարկել է Ադրբեջանին սպառազինություն վաճառելու հարցը:
Ինչպես տեղեկացնում է news.tut.by-ն, Սարգսյանը լրագրողների հետ զրույցում չի ցանկացել բացել խոսակցության փակագծերը:
«Եկեք թողնենք այդ հարցը, քանի որ մենք շատ ընկերական, փակ զրույց ենք ունեցել, մենք քննարկել ենք ամեն ինչ, նաև այն փաստը, որ Բելառուսն իրապես տարածաշրջանում կայունության գործոն է հանդիսանում», - նշել է ՀՀ նախագահը՝ նշելով, որ պատահական չէ, որ Արցախի հակամարտության կարգավորման հարցով զբաղվող խումբը կոչվում է «Մինսկի խումբ»:
«Ես երազում եմ, որ կգա այն օրը, երբ Արցախի հակամարտության ու Արցախի կարգավիճակի հարցը կլինեն վերջնական լուծված, և այդ մասին փաստաթղթերը կստորագրվեն այս հրաշալի քաղաքում», - ասել է Արմեն Սարգսյանը: