ԱՄՆ-ում մահափորձ են իրականացրել ազգությամբ հայ Ռաֆայել Մարդոյանի նկատմամբ
Օրեր առաջ հոկտեմբերի 15-ին ԱՄՆ Գլենդել քաղաքի հայկական «Արարատ» ռեստորանի մոտ կրակոցներ հնչեցին, ինչի հետևանքով 1 անձ սպանվեց, ևս 1–ը՝ վիրավորվեց։ Ամերիկյան իրավապահների հաղորդմամբ՝ սպանվածը մոտ 50 տարեկան տղամարդ էր, որի ինքնությունը, ինչպես նաև սպանության դրդապատճառները պարզելու համար սկսվեց լայնամասշտաբ հարցաքննությունների փուլ վկաների շրջանում:
Դրանից օրեր անց՝ հոկտեմբերի 17-ին, դարձյալ ԱՄՆ-ի հայաշատ քաղաքներից մեկում կրակոցներ հնչեցին: Այս անգամ թիրախը հայտնի հեղինակություն Ռաֆայել Մարդոյանն էր՝ Քյավառցի Ռաֆոն: Մարդասպանը բազմաթիվ կրակոցներ էր արձակել Մարդոյանի կրծքավանդակի ուղղությամբ: Վերջինիս վիրավոր ու ծանր վիճակում արագորեն տեղափոխել էին Բևերլի Հիլզի հիվանդանոցներից մեկը: NewsBook-ի տեղեկություններով այդ օրը Մարդոյանը պետք է վերադառնար Հայաստան, իսկ ԱՄՆ-ում նա տուրիստական ողևորության էր: Ռաֆայել Մարդոյանի ողջ մնալը բժիշկները հրաշք են համարում, որովհետր հրազենից արձակված կրակոցները միլիմետրի տարբերությամբ են շրջանցել Մարդոյանի սրտի հատվածը: Այսօր արդեն հայտնի հեղինակությունն Երևանում է, իսկ ԱՄՆ-ում խոսակցություններ են շրջառանվում, որ հայկական ռեստորանի հարևանությամբ սպանված տղամարդուն քիլլերներն իրականում շփոթել են Ռաֆայել Մարդոյանի հետ:
Հիշեցնենք, որ մամուլի հրապարակումների համաձայն՝ հայտնի հեղինակությունը վերջին տարիներին մի քանի անգամ մահափորձի թիրախ է դարձել: Հայաստանում վերջինը գրանցվեց Արամ Վարդանյանի՝ Վստրեչի Ապերի հոր քառասունքին: Մահափորձի պատվիրատուն Արտյոմ Կանևոսկոն էր: Դրա մասին բոլորն իմացան՝ ընդհուպ իրավապահները, բայց ոչինչ չարվեց: Կանևսկոն մնաց անպատիժ, նրա պատվիրատուները՝ ևս, իսկ Մարդոյանին նախկին իշխանությունները հորդորեցին հեռանալ հանրապետությունից:
Մարդոյանի նկատմամբ նույն մարդիկ էլի են մահափորձ իրականացրել՝ արդեն Մոսկվայում: Այդ ժամանակ քրեական գործ հարուցվեց, որի շրջանակներում մարդիկ կալանավորվեցին, այդ գործի բացահայտման համար ոստիկաններ պարգևատրվեցին, անգամ գեներալի կոչում ստացող եղավ: Եվ չնայած դրան՝ հանցագործները իշխանության բարձրագույն դեմքերի հրահանգով ազատ արձակվեցին: Մամուլը դարձյալ արձանագրել է, որ Մարդոյանի նկատմամբ մահափորձ իրականացնելու փաստով 8 մարդ հայտնվել է անազատության մեջ, ապա արագորեն նրանք հայտնվել են դրսում: Չի հերքվել հրապարակված խոսակցությունը, համաձայն որի՝ նախագահի մակարդակով գումար է տրվել՝ խոսքը մոտ 5 միլիոն ԱՄՆ դոլարի մասին է: Այդ գործի բացահայտման՝ ոստիկանության կողմից տարածած տեսանյութը մինչև հիմա յութուբում է, բավականին ուշագրավ վերնագրով՝ «Վարձու մարդասպանները»: Այստեղ ցուցադրված է, թե ոստիկանության ներկայացուցիչներն ինչպե՞ս են գնացել այլ երկիր գործողությունների ծրագիր իրականացրել, մինչև անգամ կարողացել են նկարահանել, թե ինչպես են քիլլերներին փոխանցում Մարդոյանի լուսանկարը, որ սպանեն նրան, գործում ներգրավված բոլոր մարդկանց շարժերը կարողացել են նկարահանել: Տեղի ունեցածը համարվել է կարևոր գործ ու լուրջ բացահայտում, ինչի համար էլ մարդիկ պ-ում արգևներ ու մեդալներ են ստացել, պաշտոնի բարձրացումներ են եղել: Եվ հանկարծ, այդ ամենից հետո որոշել են քիլլերներին ազատ արձակել:
Քրեական աշխարհը տեղյակ է, որ երկու մահափորձերն էլ նույն մարդու գործն է, այդ դեպքերը մեկը մյուսի շարունակությունն են: Պատվիրատուն նույնն է, պատվեր վերցնողը՝ ևս: ԱՄՆ-ում տեղի ունեցածը երրորդ անմհաջող մահափորձն է՝ վերստին նույն մարդու պատվերով և նույն մարդկանց վարձու քիլլերներով: Ցավոք, այս անգամ քիլլերների զոհ է դարձել մեկը, որն ամենևին կապ չունի այս պատմության հետ: Սպանվածը գործարար էր, նա այդ օրը «Արարատ» ռեստորանում խնջույքի է մասնակցել: Գործարարն ու տուժածը իրար հետ կանգնած զրուցելիս են եղել, երբ կրակոցները հնչել են: Այս պահին ձերբակալվածներ դեռևս չկան: