Ո՞վ է վարչապետը, դատավորը, դատախազը, ՀՖՖ նախագահը, ժողովուրդը
«Գրավով ազատվածների գործերը պիտի ուսումնասիրենք, տեսնենք, թե ինչքանով է հիմնավորված» արտահայտությունը սխալ է ու անթույլատրելի։ Ո՞վ է լինելու այդ ուսումնասիրող մարմինը, դատարանների վրա նոր «վերահսկողական վարչություն» է ձևավորվելո՞ւ։ Սա կարող է դիտարկվել, իբրև անթաքույց ճնշում դատարանների վրա։
Նման «ուսումնասիրությունների» փոխարեն հարկ է ուսումնասիրել դատական համակարգը, հասկանալ խնդիրներն ու ուղիներ մշակել այդ համակարգի վերափոխման համար։
*****
«Պատգամավոր կա, որի հանցանքը 100% ապացուցված է, ու նա շուտով կկալանավորվի» արտահայտությունը սխալ է և անթույլատրելի։ Նման արտահայտությունը այդ ապագա մեղադրյալ-պատգամավորը հեշտությամբ կօգտագործի իր պաշտպանության համար, կհիմնավորի, որ այդպես խախտվել է իր անմեղության կանխավարկածն ու ճնշում է գործադրվել նախաքննական մարմնի ու դատարանի վրա։
Փաստաբան Երվանդ Վարոսյանի ֆեյսբուքյան էջից