Մանկապարտեզի դաստիարակների եւ մանկապարտեզի սաների ծնողների համար
Ուշադրություն: Կարդացեք, տարածեք, բացատրեք մանկապարտեզի դաստիարակներին եւ մանկապարտեզի սաների ծնողներին.
1. Մանկապարտեզի դաստիարակները որեւէ մեկի սեփականությունը չեն եւ պարտավոր չեն քվեարկել գյուղապետի, թաղապետի, քաղաքապետի եւ որեւէ մեկի ցուցումով:
2. Որեւէ մեկը ոչ մի ձեւով եւ եղանակով չի կարող պարզել, թե ինչպես են քվեարկել մանկապարտեզի դաստիարակները:
3. Եթե մտածում եք, որ ՀՀԿ-ի պարտության դեպքում կկորցնեք ձեր ցածր վարձատրվող աշխատանքը, ապա սխալվում եք: Իսկ եթե նույնիսկ կորցնեք, ապա մի պահ մտածեք՝ ինչն եք գերադասում՝ ձեր ընտանիքի, ձեր երեխաների բարեկեցիկ, արժանապատիվ կյանքը, թե ձեր խղճուկ աշխատավարձը:
4. Մանկապարտեզի սաների ծնողներ, դուք պարտավոր չեք քվեարկել այնպես, ինչպես ձեզ խնդրում եւ աղաչում է մանկապարտեզի վարիչը կամ դաստիարակը:
5. Մանկապարտեզի սաների ծնողներ, ՀՀԿ-ին քվեարկելուց առաջ մտածեք հենց ձեր երեխաների ներկայի եւ ապագայի մասին: Ձեր իսկ ձեռքով նրանց մի դատապարտեք աղքատության կամ արտագաղթի վտանգավոր հեռանկարին:
6. Եթե ձեզ ասում են, թե բոլորն էլ մեկ են, քվեարկիր ՀՀԿ-ի օգտին, ապա հիշեք, որ դա լկտի սուտ է: Ինքնախաբեությամբ մի զբաղվեք:
7. Դուք ազատ մարդ եք եւ քվեարկեք այնպես, ինչպես դուք եք ցանկանում, անկախ նրանից, թե ով է ձեզ վրա մատ թափ տալիս եւ սպառնում:
Top-News.am