ԱՄՆ-ն կպարզի, թե ինչ է տեղի ունեցել անհետացած սաուդցի լրագրող Հաշքաջիի հետ

ԱՄՆ-ն կպարզի, թե ինչ է տեղի ունեցել անհետացած սաուդցի լրագրող Ջամալ Հաշքաջիի հետ Սաուդյան Արաբիայի դեմ հնարավոր որոշումներն ընդունելուց առաջ: Այս մասին չորեքշաբթի Fox News-ին տված հարցազրույցում հայտարարել է ԱՄՆ նախագահ Դոնալդ Թրամփը:

«Ես պետք է պարզեմ, թե ինչ է տեղի ունեցել», - ասել է ԱՄՆ նախագահը՝ մեկնաբանելով անհետ կորած լրագրողի հետ կապված իրավիճակը: Նրա խոսքով, Վաշինգթոնը ուսումնասիրում է իրավիճակը:

Բացի դրանից, ինչպես նշել է Թրամփը, այլ երկրները, այդ թվում նաեւ Թուրքիայի ներկայացուցիչները, ուսումնասիրում են Հաշքաջիի անհետացումը, հաղորդում է ՏԱՍՍ-ը:

«Մենք կպազրենք ամեն ինչ», - ընդգծել է նախագահը: Սպիտակ տան ղեկավարի խոսքով, ինքը չէր ցանկանա հենց հիմա ասել, թե ինչ գործողություններ կարող է ձեռնարկել ԱՄՆ-ն:

«Շատ վաղ է», - ասել է նա:

Թրամփին հարց է տրվել, թե ինչ կլինի ԱՄՆ-ի եւ Սաուդյան Արաբիայի հարաբերությունների հետ, եթե Վաշինգթոնը գա այն եզրակացության, որ Էր Ռիադը առնչություն ունի լրագրողի անհետացման հետ: Նախագահը պատասխանլ է, որ «շատ ուրախ չէր լինի» իրադարձությունների նման զարգացման դեպքում: «Դա բոլորովին լավ չէր լինի», - ասել է նա: Միեւնույն ժամանակ, Թրամփը նշել է, որ ներկա իրավիճակում ոմանք կարող են իսկապես ասել, որ այնպես է երեւում, որ կարծես Ռիադը ներգրավված է տեղի ունեցածի մեջ, բայց նախագահը հորդորել է չշտապել:

Մեկնաբանելով Կոնգրեսում օրենսդիրների առաջարկությունները՝ Հաշքաջիի հետ կապված դեպքի պատճառով դադարեցնել Սաուդյան Արաբիային զենք վաճառել, Թրամփն ասել է, որ նման քայլը կվնասի ԱՄՆ-ին:

Ըստ նրա, Միացյալ Նահանգներում լավ տնտեսական իրավիճակի պատճառներից մեկն այն է, որ Վաշինգթոնը «պաշտպանական համակարգեր» է վաճառում այլ երկրներին: «Բոլորն ուզում են դրանք, - ասել է Թրամփը, հավելելով, որ Ռիադին զենքի մատակարարումների պոտենցիալ մերժումը «դառը հաբ» կլինի ԱՄՆ-ի համար:

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են