Այն մասին, թե ինչու Օհանյանն ավելի շուտ դուրս չեկավ իշխանությունից
Սեյրան Օհանյանը երեկ նախընտրական հանդիպումների ժամանակ հայտարարեց, որ եթե չլիներ 2015-2016 թվականի լարված դեպքերը, ինքն ավելի շուտ դուրս կգար իշխանությունից: Սա, թերևս, պատասխանն է այն պնդուների, թե ինչու Սեյրան Օհանյանն ավելի շուտ հրաժարական չի տվել, եթե այքան դեմ է եղել այս ռեժիմին: Ասողները, համոզված եմ, հիմա երազում են Օհանյանի նման պաշտոն, հանրգանք ունենալու մասին ու համոզված եմ, որ մինչև մահ ու գերեզման կառչած կմնան այդ պաշտոնին:
Իսկ Օհանյանը գտավ ավելի ճիշտ ու կարճ ճանապարհը՝ նա դուրս չեկավ իշխանությունից այն ժամանակ, երբ մեր սահմանին կռիվ էր, երբ զինվորին օգնելու դեռ շատ գործեր կար, իսկ երբ խաղաղվեց ամեն ինչ՝ նա հրաժավեց իրեն առաջարկվող պաշտոններից ու հեռացավ Սերժ Սարգսյանի կլանից: Սա իսկական հրամանատարի քայլ է՝ իր հայրենիքին մինչև վերջին վայրկյանը օգնեց, սատար կանգնեց, այնուհետև հրաժարվեց պաշտոնից, հրաժարվեց բոլորի պես հանգիստ ապրելու , անհոգ կյանքից՝ դառնալով հասարակության համար վստահելի գործիչ, ով երկրում մի բան փոխելու համար դուրս է եկել այս հզոր ռեժիմի դեմ:
Սա ընդդիմադիր լիդերի ճիշտ քայլն ու ճանապարհն է՝ դուրս գալ ռեժիմից, երբ արդեն հասարակության համար ծառայելու այլ դիրքերից է պետք գործել:
Սաթեն Մանասյանի ֆեյսբուքյան էջից