Ամենամեծ նվերը կնոջ համար
Բնականաբար, տղամարդիկ գլուխ են ջարդում, թե որն է կնոջ համար ամենացանկալի, ամենամեծ նվերը: Կարծիքները տարբեր են: Չթվարկենք, թե տղամարդիկ ինչ են երազում նվիրել իրենց սիրելիին:
Գուցե աշխարհում տղամարդկանց համար դժվար է պատասխանել հարցին, թե որն է կնոջ համար ամենացանկալի նվերը,սակայն այլ է պատկերը Հայաստանում:
Տղամարդիկ ընդամենը պետք է արժանապատվությունը պահեն եւ իրենց կեցվածքով եւ արժանապատիվ ընտրությամբ Հայաստանը դնեն զարգացմանռեսլսերի վրա:
Կանայք երազում են, որ իրենց ամուսինները, հայրերը, եղբայրները չծախվեն, ընտրակաշառք չվերցնեն, ՀՀԿ-ի շտաբում չաշխատեն եւ նպաստեն ՀՀԿ-ի հեռացմանը իշխանությունից:
Ահա թե որն է ամենամեծ նվերը հայ կնոջ համար:
Եւ մի խնդրանք բոլոր նրանց, ովքեր կարդացին այս տողերը: Ձեր հարեւանը, ընկերը, գործընկերը, գյուղում ապրող բարեկամները, քաղաքում աշխատող ձեր հարազատները գուցե թերթ չեն կարդում: Նրանց փոխանցեք, որ կնոջ համար ամենամեծ նվերն իրենց ամուսինների, հայրերի եւ եղբայրների արժանապատիվ կեցվածքն է: Մի ծուլացեք, նրանց հայտնեք, որ իրենց կանայք ամաչում են, երբ ամուսիններն ընտրակաշառք են վերցնում:
Վարդան Մխիթարյան