«Իմ քայլը»՝ 81.05 %, ԲՀԿ՝ 6.95 %, «Լույս»՝ 4.99 %
Հայաստանի Կենտրոնական ընտրական հանձնաժողովն իր արտահերթ նիստում ներկայացրել է Երևանի ավագանու արտահերթ ընտրությունների նախնական արդյունքների ամփոփումը:
Ըստ այդմ, ԿԸՀ նախագահ Տիգրան Մուկուչյանի ներկայացմամբ, 12 քաղաքական ուժերից ամենաշատ ձայնը հավաքել է «Իմ քայլը» կուսակցությունների դաշինքը՝ 294 109 ձայն կամ 81.05 տոկոս, երկրորդ տեղում է «Բարգավաճ Հայաստան» կուսակցությունը՝ 6,95 տոկոս արդյունքով (25219)։ Երրրոդ հորիոզոնականում «Լույս» դաշինքն է՝ 4,99 տոկոս արդյունքով (18112)։
Քվեները բաշխվել են հետևյալ կերպ.
«Իմ քայլը» դաշինք – 294 109 ձայն կամ 81.05 տոկոս
ԲՀԿ - 25 219 ձայն կամ 6.95 տոկոս
«Լույս» դաշինք – 18 112 ձայն կամ 4.99 տոկոս
ՀՅԴ - 5 882 ձայն կամ 1.62 տոկոս
«Երկիր Ծիրանի» կուսակցություն –5 059 ձայն կամ 1.39 տոկոս
ՕԵԿ - 3948 ձայն կամ 1.09 տոկոս
«Երևանցիներ» դաշինք – 2 985 ձայն կամ 0.82 տոկոս
«Ժառանգություն» կուսակցություն – 2709 ձայն կամ 0.75 տոկոս
«Երևանի հանրություն» դաշինք - 2 502 ձայն կամ 0.69 տոկոս
«Ժողովրդավարական ուղի» կուսակցություն –799 ձայն կամ 0.22 տոկոս
«Ռեֆորմիստներ» կուսակցություն – 792 ձայն կամ 0.22 տոկոս
Հայք (Հայկազուններ) կուսակցություն – 692 ձայն կամ 0.19 տոկոս
«Անճշտությունների չափը կազմել է 62:
Մուկուչյանը տեղեկացրեց, որ ընտրություններին մասնակցել է ընտրության իրավունք ունեցողների 43.66 տոկոսը:
Հիշեցնենք, որ Երեւան ավագանու նախորդ ընտրություններին մասնակցել է ընտրողների 40,99 տոկոսը, այսինքն այս ընտրություններին մասնակցածների թիվը շուրջ 25 000-ով ավելին է:
Ընտրական օրենսդրության համաձայն՝ ՀՀ ԿԸՀ-ն ընտրության վերջնական արդյունքները հայտարարում է քվերակությունից հետո 7-րդ օրը՝ սեպտեմբերի 30-ին, իսկ ըստ «Երեւան քաղաքում տեղական ինքնակառավարման մասին» ՀՀ օրենքի 17-րդ հոդվածի 6-րդ կետի՝ Երեւանի ավագանու արտահերթ ընտրությունից հետո նորընտիր ավագանու նիստը հրավիրվում է ընտրության արդյունքների պաշտոնական հրապարակումից հետո` 10-րդ օրը, այսինքն՝ ստացվում է Հայկ Մարությանը պաշտոնը կստանձնի հոկտեմբերի 10-ին։
Լուրեր Հայաստանից - NEWS.am