Երբ կատակն իրականություն է դառնում
Մեծ Բրիտանիայի Ուիթլսի քաղաքի բնակչուհին կատակ անելու համար խաբել է իր ամուսնուն ու ասել, որ ինքը վիճակախաղով գումար է շահել, և շուտով նա իսկապես շահել է:
Ինչպես նշում է The Guardian-ը, օգոստոսի սկզբին 28-ամյա Շառլոտ Պերտը որոշել է կատակել ու պատմել է ամուսնուն, որ ինքը 250 հազար ֆունտ ստեռլինգ է շահել վիճակախաղով, իսկ երեք շաբաթ անց նրա կատակը վերածվել է իրականության. կնոջ վիճակախաղի հաշվին մնացած վերջին մեկուկես ֆունտ ստեռլինգը մեկ միլիոն ֆունտ ստեռլինգ է բերել նրան:
Կինը զանգել է իր ամուսնուն՝ փորձելով կիսվել նրա հետ այս լուրով, սակայն վերջինս նույնիսկ չի ցանկացել լսել նրան:
«Ես ընդհանրապես չհավատացի նրան, քանի որ մենք սիրում ենք կատակներ անել», - ասել է տղամարդը:
Ամուսինն ասել է, որ ինքը զբաղված է, և իր եղբորը փոխանցել հեռախոսը: Վերջիվերջո, կինը նրան է ուղարկել շահումի մասին հաղորդագրությունը, և նա հավատացել է կնոջ խոսքերին:
Ամուսինների խոսքով՝ իրենք պլանավորում են շահած գումարով տուն գնել՝ երեխաների համար առանձին ննջասենյակներով, իսկ այժմ նրանք միայն խաղալիքներ են գնել երեխաների համար: