Աջակցել երիտասարդ ծնողներին, որ նրանք էլ երեխաներ ունենան
Ռուսաստանում, ինչպես նաև շատ երկրներում գոյություն ունի «մայրական կապիտալի» գաղափարը։ Պետությունն ամեն ինչ անում է՝ ծնելիության աճը խթանելու, մայրերի համար իրական աջակցության ծրագրեր կյանքի կոչելու համար։ Հայաստանը պետք է դառնա մի երկիր, որտեղ մայրությունը և մանկությունը կգտնվեն պետության պաշտպանության ներքո: Այդ առնչությամբ, պետք է մայրական կապիտալի գաղափարը ներդրվի:
Օհանյան-Րաֆֆի-Օսկանյան դաշինքի ծրագրերից մեկը վերաբերում է հենց այս կարևորագույն խնդրին՝ «մայրական կապիտալի» գաղափարին: Նրանք ասում են՝ մասնագիտական խմբի հաշվարկներով՝ միանգամայն իրատեսական է ծնվող առաջին երեխայի պարագայում հատկացվող միանվագ գումարը դարձնել 100 000, երկրորդինը` 500 000, երրորդինը` 1 միլիոն, 4-րդ երեխայի դեպքում` 2 միլիոն դրամ։ Չորրորդ երեխայի ծնունդից հետո ձևավորել, այսպես կոչված, 3 միլիոն դրամանոց «մայրական կապիտալի անձնական հիմնադրամ», որը ծնողը կարող է օգտագործել իր հայեցողությամբ։ Ւսկ երեխայի ծնվելուց հետո մայրերին հատկացվող ամենամսյա վճարները 18 000 դրամից դարձնել 30 000 դրամ, իսկ ժամկետը 2-ից դարձնել 3 տարի։ Այս ամենը՝ անկախ նրանից՝ մայրն աշխատում է, թե՝ ոչ։Փառահեղ գաղափար է:
Տեսեք՝ մեր իշխանությունը տարիներ շարունակ գռոշներ է տվել մեզ՝ 50.000 դրամ առաջին երեխայի դեպքում և ամսեկան 18.000 դրամ՝ միայն աշխատող մայրերին: Ինչո՞ւ այսքան ժամանակ չեն նստել ու հաշվակել և եթե հնարավորություն կա ավելի շատ ֆինանֆսավորել այս կարևոր խավին, եթե կարող են խթանել երեխաների աճին, ինչո՞ւ այսքան տարիների ընթացքում չեն ձեռնարկել, թե՞ նրանց փայից մի քիչ կպակասեր:
Այ որ ասում ենք՝ մեր երեխաների հաշվին, մեր բարորության հաշվին այս իշխանությունները շռայլություններ են թույլ տալիս, խոսքը նաև այս ամենի մասին է: Աջակցել մայրերին, որ նրանք էլ հույսները դնեն պետության վրա և երեխաներ ունենան:
Սա անչափ կաևոր խնդիր է, կարևոր քայլ թե' ծնելիության զարգացման, թե' ընտանիքներին պետության կողմից աջակցման համար: Գոնե առաջիկա տարիներին երեխան ապահովված կլինի անհրաժեշտ պարագաներով՝ սննդով և հագուստով:
Եվ ես մեծ սպասելիքներ ունեմ այն դաշինքից կամ կուսակցությունից, որն իր ծրագրերում անդրդարձել է այս խնդրին՝ մեր երկրի ապագայի, ժողովրդի թվաքանակի աճի զարգացմաը:
Սաթեն Մանասյանի ֆեյսբուքյան էջից