ԱՄՆ-ի քաղաքականությունն անհնար Է դարձնում Թեհրանի եւ Վաշինգտոնի բանակցությունները
Իրանի արտաքին գործերի նախարարությունը բացառել Է մոտ ապագայում ԱՄՆ-ի հետ բանակցությունների հնարավորությունը, քանի որ Վաշինգտոնը թշնամական քաղաքականություն Է վարում Թեհրանի նկատմամբ: Հուլիսի 30-ին այս մասին հայտարարել Է Իրանի արտաքին քաղաքական գերատեսչության պաշտոնական ներկայացուցիչ Բահրամ Գասեմին, հաղորդել Է Fars գործակալությունը:
«ԱՄՆ-ի քաղաքականությունը հնարավորություն չի ընձեռում որեւիցե փոխգործակցության եւ բանակցությունների համար: Վաշինգտոնը ցույց տվեց, որ ինքն արժանի չԷ վստահության»,- ասել Է Գասեմին: Պատասխանելով ԱՄՆ-ի հետ բանակցություններ սկսելու հնարավորության մասին հարցին՝ դիվանագետը նշել Է, որ, «հավանաբար, ԱՄՆ-ի որոշ ներկայացուցիչներ նման ցանկություն են հայտնել»:
«Սակայն, հաշվի առնելով ստեղծված իրադրությունը եւ Վաշինգտոնի շարունակվող թշնամական քաղաքականությունը, դրա համար ոչ մի կարգի նախադրյալներ չկան»,- հավելել Է նա: Երեքշաբթի օրը ԱՄՆ-ի նախագահ Դոնալդ Թրամփը հայտարարել Էր, որ պատրաստ Է «իսկական գործարք» կնքելու Իրանի իշխանությունների հետ միջուկային ոլորտում, որը կտարբերվի «նախորդ ձախողվածից»:
Մայիսին ԱՄՆ-ի նախագահը հայտարարել Է Գործողությունների համատեղ համապարփակ պլանից՝ այն գործարքից ԱՄՆ-ի դուրս գալու մասին, որը սահմանափակում Էր Թեհրանի միջուկային մշակումները ՄԱԿ-ի Անվտանգության խորհրդի համապատասխան պատժամիջոցների եւ ԱՄՆ-ի եւ ԵՄ-ի սահմանած միակողմանի սահմանափակիչ միջոցների վերացման փոխարեն: Հուլիսի սկզբին Պետդեպարտամենտի քաղաքական պլանավորման բաժնի տնօրեն Բրայան Հուքը հայտարարարել Է, որ ԱՄՆ-ը մտադիր Է Իրանի նավթային եկամուտները «մինչեւ զրո» կրճատել Էներգետիկական պատժամիջոցների միջոցով, որոնք, նրա խոսքով՝ կվերականգնվեն նոյեմբերի 4-ին, հաղորդել Է ՏԱՍՍ-ը: