Մանե Թանդիլյան. «Կուտակային համակարգ պե՞տք է Հայաստանին. այո»՛

Աշխատանքի և սոցիալական հարցերի նախարար Մանե Թանդիլյանը Facebook-յան իր էջում գրառում է կատարել՝ անդրադառնալով կուտակային կենսաթոշակային համակարգին:

Մինչ գրառմանն անդրադառնալը հիշեցնենք, որ Մանե Թանդիլյանը կուտակային համակարգի դեմ պայքարի ամենաակտիվ մասնակիցներից էր:

Իսկ հիմա նա ասում է, թե մեր պետության շահը իր համար գերակա է։ «Եվ եթե մեկը մտածում էր, որ իմ անձնական շահը կարող է վերադաս լինել, նրան հիասթափություն է սպասվում։ Հուսով եմ, սա վերջնականապես պարզ դարձավ»,- գրում է նախարարը եւ ավելացնում. «Երկրորդ, կուտակային համակարգ պե՞տք է Հայաստանին. այո՛։ Քանզի մարդը պետք է ունենա ընտրության հնարավորություն՝ ինքն ուզում է իրեն ապահովի այսօր իր իսկ միջոցներով, թե՞ ոչ։ Պետությունը պետք է ապահովի այդ ընտրության հնարավորությունը»։

Հիմա հարց է առաջանում՝ իսկ այն ժամանակ, որ կուտակայինի դեմ պայաքրում էիք, ո՞ւմ շահերով կամ ո՞ր պետության շահերով էիք առաջնորդվում:

Եւ ավելի լավ կլիներ ընդամենն ասեիք ես ուսումնասիրեցի համակարգը եւ հասկացա, որ այն ժամանակ սխալ էի: Ընդամենը:

Top-News.am