Մայք Պոմպեոն շեշտել է Պարսից ծոցի երկրների միասնության անհրաժեշտությունը

ԱՄՆ պետքարտուղար Մայք Պոմպեոն շեշտել է Պարսից ծոցի երկրների միասնության անհրաժեշտությունը:

«Ծոցի երկրների միասնությունն անհրաժեշտ է, եւ մենք պետք է դրան հասնենք»,- ասել է Պոմպեոն Սաուդյան Արաբիայի ԱԳ նախարար Ադել ալ Ջուբեյրի հետ Էր Ռիադում կայացած մամուլի ասուլիսի ժամանակ, փոխանցում է Reuters-ը:

Սաուդյան Արաբիան ԱՄԷ-ի, Բահրեյնի եւ Եգիպտոսի հետ անցյալ տարվա հունիսին Կատարի հետ խզել է դիվանագիտական հարաբերությունները եւ առեւտրային կապերը՝ նրան մեղադրելով ահաբեկչությանն աջակցելու ու Իրանի հետ համագործակցելու մեջ: Դոհան հերքել է մեղադրանքները եւ հայտարարել, որ նշված երկրները ցանկանում են իր ինքնիշխանությունը սահմանափակել:

Պոմպեոն Էր Ռիադ է այցելել մերձավորարեւելյան շրջագայության շրջանակում: Այցի ընթացքում նա կհանդիպի թագավոր Սալմանի եւ գահաժառանգ արքայազն Մոհամմեդի հետ: ԱՄՆ պետքարտուղարը կայցելի նաեւ Իսրայել ու Հորդանան:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում