Պետք է պատրաստվենք հաղթանակի. Նիկոլ Փաշինյանը Երեւանում վերսկսում է գործողությունները (Տեսանյութ)
Այսօր՝ ապրիլի 29-ին, ժամը 12-ին Նիկոլ Փաշինյանի գլխավորած ընդդիմադիր շարժումը Երեւանում սկսում է քաղաքացիական անհնազանդության գործողությունները նոր թափով։
Շարժման առաջնորդ, ԱԺ պատգամավոր Նիկոլ Փաշինյանը Facebook-ում ուղիղ եթերով հայտնել է, որ չնայած քաղաքական իրավիճակը նույն տեղում չի կանգնել եւ հայտնի իրադարձությունների բերումով որոշակի առաջընթաց են գրանցել, կոչ է անում ուղիղ ժամը 12:00-ից իրականացնել քաղաքացիական անհնազանդության բոլոր գործողությունները, որ ձեռնարկել են։
«Իսկ ժամը 16-ապաշրջափակել բոլոր ճանապարհները, որ քաղաքացիները հնարավորություն ունենան հասնել Երեւանի հանրապետության հրապարակ, որտեղ ժամը 19:00-ին տեղի է ունենալու մեր հանրահավաքը, որը չափազանց կարեւոր հանրահավաք է»,- ասել է Փաշինյանը եւ հավելել. «Մենք պետք է ի ցույց դնենք, որ այս շարժումը վճռական մինչեւ վերջին վայրկյանները իր ոտքերի եւ անելիքների վրա ամուր կանգնած է լինելու»։
Նա նշել է, որ այսօր երթ է իրականացնելու, ժամը 17:00-ից Ֆրանսիայի հրապարակից քայլելու են դեպի Հանրապետության հրապարակ։ «Կարծում եմ՝ պետք է պատրաստվենք հաղթանակի»,- ասել է Փաշինյանը։