Մարտի 5-ը Վազգեն Սարգսյանի եւ Սամվել Բաբայանի ծննդյան օրն է
Պատահական ոչինչ չի լինում: Այս աշխարհում պատահականթյուններ չեն լինում: Եւ հաստատ պատահական չէ, որ մարտի 5-ը եւ Վազգեն Սարգսյանի եւ Սամվել Բաբայանի ծննդյան օրն է: Այն մարդկանց ծննդյան օրը, որոնք հսկայական ավանդ ունեն մեր զինված ուժերի կայացման եւ Արցախի ազատագրման գործում:
Մեր ազգը պետք է ամեն օր նրանց շնորհակալություն հայտնի մեր պետության կայացման, Արցախի ազատագրման գործում նրանց ունեցած դերակատարման համար:
Ցավոք, Վազգեն Սարգսյանը սպանված է, իսկ Սամվել Բաբայանը՝ բանտում է: Եւ սա եւս պատահական չէ: Սա նշանակում է, որ մեր երկրում, մեր հետ ինչ որ բան այնպես չէ: Եւ մեր երկրի շահերից է բխում, որ մենք արժանապատիվ կեցվածքով հարգենք Վազգեն Սարգսյանի հիշատակը, ինչպես նաեւ հասնենք այն ներազգային համախմբվածությանը, որից հետո Սամվել Բաբայանը այլեւս ազատությունից զրկված չի լինի, իսկ մեր երկիրն էլ բռնած կլինի հավերժ առաջընթացի ճանապարհը:
Top-News.am