Երբ են դանակահարում եղբոր կնոջը կամ դանակահարություն հայկական ձեւով
Երեւանի հյուրանոցներից մեկում հունվարի 22-ին կին է դանակահարվել: Պարզվել է, որ կինը Նորք Մարաշ վարչական շրջանի բնակիչ, 37-ամյա Իզաբելա Կ.-ն է: Ժամը 13։30-ի սահմաններում նա բազմաթիվ վնասվածքներով տեղափոխվել է հիվանդանոց:
Ըստ shamshyan.com-ի՝ պարզվել է, որ նույն օրը, ժամը 12։20-ի սահմանում Նորքի այգիների փողոցում գտնվող «Բեստ Վյու Երևան» հյուրանոցային համալիրում Իզաբելա Կ.-ի հետ վիճաբանել է նույն վարչական շրջանի բնակիչ, 42-ամյա Մամիկոն Բաբայանը, որն իր մոտ եղած դանակով հարվածել է Իզաբելա Կ.-ի մարմնի տարբեր մասերին։
Ամենահետաքրքիրն այն է, որ Մամիկոն Բաբայանը Իզաբելա Կ-ի ամուսնու եղբայրն է:
Գուցե իսկապես միայն Հայաստանում է հնարավոր, որ հյուրանոցում կինը վիճի ամուսնու եղբոր հետ, եւ վերջինս էլ նրան դանակահարի: Բազմադարյան խորը մշակույթ ունեցող ազգերը, որոնք ընտրությունների ժամանակ հավեսով փող են վերցնում եւ բաժանում, հենց այսպես էլ ապրում են:
Top-News.am