Ամփոփվել են Եվրոպայի պատանիների և աղջիկների արագ շախմատի առաջնությունում հայ պատվիրակների արդյունքները

Հայաստանի շախմատի ֆեդերացիան ամփոփել է հայ շախմատիստների արդյունքները 2026 թվականի Եվրոպայի պատանիների և աղջիկների արագ շախմատի առաջնությունում: Հայաստանի 4 ներկայացուցիչներ տեղ են զբաղեցրել լավագույն տասնյակում։

Սոֆիա Բաղրամյանը 9 հնարավորից վաստակել է 7.5 միավոր և դարձել մինչև 10 տարեկան աղջիկների փոխչեմպիոն:
 
ՖԻԴԵ-ի վարպետ Վաչե Հովակիմյանը վաստակել է 7 միավոր և կիսել 1-4-րդ հորիզոնականները մինչև 18 տարեկան պատանիների առաջնությունում: Լրացուցիչ ցուցանիշներով Վաչեն զբաղեցրել է 4-րդ հորիզոնականը:
 
ՖԻԴԵ-ի վարպետ Մանվել Առաքելյանը վաստակել է 7 միավոր և կիսեց 2-5-րդ հորիզոնականները մինչև 16 տարեկան պատանիների առաջնությունում: Լրացուցիչ ցուցանիշներով Մանվելը զբաղեցրել է 4-րդ հորիզոնականը:
 
Մանվել Վարդանյանը վաստակել է 7 միավոր և կիսել 2-7-րդ հորիզոնականները մինչև 10 տարեկան պատանիների առաջնությունում: Լրացուցիչ ցուցանիշներով Մանվելը զբաղեցրել է 5-րդ հորիզոնականը:
 
Հայաստանը ներկայացնող բոլոր շախմատիստների արդյունքները՝ ստորև․
 
Սոֆիա Բաղրամյան՝ 7.5 միավոր (Ա10)
Վաչե Հովակիմյան՝ 7 միավոր (Մ18)
Մանվել Առաքելյան՝ 7 միավոր (Մ16)
Մանվել Վարդանյան՝ 7 միավոր (Մ10)
Ալեքսանդր Հակոբյան՝ 6.5 միավոր (Մ12)
Հակոբ Պետրոսյան՝ 6 միավոր (Մ10)
Համլետ Սահակյան՝ 5.5 միավոր (Մ16)
Դավիթ Սարգսյան՝ 5.5 միավոր (Մ10)
Վազգեն Կարախանյան՝ 5 միավոր (Մ16)
Սմբատ Հարությունյան՝ 5 միավոր (Մ12)
Ռոզի Անանյան՝ 5 միավոր (Ա14)
Անրի Հայրապետյան՝ 4.5 միավոր (Մ14)
Լիլիթ Հակոբյան՝ 4.5 միավոր (Ա12)
Ալեքսանդր Գիչունց՝ 4 միավոր (Մ8)
Ծովինար Եղոյան՝ 3 միավոր (Ա18)
 
Հուլիսի 9-ին՝ Հայաստանի ժամանակով 12:00-ին, կմեկնարկի կայծակնային շախմատի առաջնությունը, որը կանցկացվի 18 խաղափուլով: