ՀԱՄԱՍ-ը պատրաստվում է լուծարել իր կառավարությունը Գազայում

Գազայի հատվածում շուրջ երկու տասնամյակ կառավարումից հետո ՀԱՄԱՍ-ի ղեկավարությունը պատրաստվում է հայտարարել այսպես կոչված «Կառավարության աշխատանքի վերահսկման կոմիտեի» լուծարման մասին, Asharq Al-Awsat պարբերականին հայտնել են կազմակերպության երկու աղբյուրները։ Նրանց խոսքով՝ այդ քայլը պաղեստինցի պաշտոնյա Ալի Շաաթի գլխավորած տեխնոկրատական ​​մարմնին՝ նոր «Գազայի կառավարման կոմիտեին» (NCAG), լիազորությունները փոխանցելու նախապատրաստական ​​աշխատանքների մի մասն է: Կոմիտեն կազմավորվել է մոտ վեց ամիս առաջ, սակայն մինչ օրս չի կարողացել աշխատանքի անցնել, քանի որ Իսրայելը թույլ չի տվել նրա անդամներին մուտք գործել Գազայի հատված:

Աղբյուրներից մեկը պնդում է, որ գործող կառավարման մարմնի լուծարման մասին պաշտոնական հայտարարությունը կարող է արվել արդեն երկուշաբթի: Երկրորդ աղբյուրը հաստատել է, որ որոշումը կհրապարակվի մոտ ժամանակներս՝ չհստակեցնելով ամսաթիվը:

Կառավարման համակարգում հնարավոր փոփոխությունների ֆոնին ՀԱՄԱՍ-ի և պաղեստինյան մյուս խմբավորումների աղբյուրները նաև հայտնել են, որ առաջիկա երկու օրերին Կահիրեում տեղի կունենան նոր բանակցություններ՝ նվիրված Գազայի հատվածում հրադադարի մասին համաձայնագրի երկրորդ փուլի շուրջ տարաձայնությունների կարգավորմանը: