Այսօր աշխատանքն է սկսում Սիրիայի նոր խորհրդարանը

Սիրիայի Ժողովրդական խորհրդի (խորհրդարանի) նոր կազմի առաջին նիստը տեղի կունենա հուլիսի 6-ին: Այս մասին հայտնել է Ժողովրդական խորհրդի ընտրությունների բարձրագույն հանձնաժողովի նախագահ Մուհամմադ Թահա ալ Ահմադը։ Մամուլի ասուլիսի ժամանակ նա հրապարակել է քվեարկության արդյունքում ընտրված պատգամավորների անունները, ինչպես նաև ներկայացրել Սիրիայի նախագահ Ահմեդ ալ Շարաայի կողմից նշանակված խորհրդարանականների ցուցակը: Խորհրդարանի ձևավորման գործող ընթացակարգի համաձայն՝ նախագահը նշանակում է պատգամավորական կորպուսի մեկ երրորդը՝ 210 տեղերից 70-ը, մնացած 140 մանդատը բաշխվում է ընտրության արդյունքներով: 

Ալ Շարաայի նշանակած անձանց թվում կա 15 կին՝ 21-ով ավելի անցած ընտրությունների համեմատ: Պաշտոնյաները չեն հստակեցրել, թե նորանշանակ պատգամավորներից քանիսն են ներկայացնում կրոնական և էթնիկ փոքրամասնությունները, այդ թվում՝ քրդերին, քրիստոնյաներին ու ալևիներին: Անցած տարի նրանց 10 տեղ էր հատկացվել: Շարաան Սիրիայի սուննի մահմեդական մեծամասնության անդամ է:

Նոր խորհրդարանի լիազորությունների ժամկետը կլինի 30 ամիս՝ երկարաձգման հնարավորությամբ։ Այսօր տեղի կունենա Սիրիայի նոր խորհրդարանի պատգամավորների երդման արարողությունը։