Հայաստանում տնտեսական աճի տեմպերը պահպանել են դրական դինամիկան․ Պապոյան

Նրա խոսքով՝ 2021-2025 թվականներին Հայաստանի ՀՆԱ-ի միջին աճը կազմել է 7,9%։ «Սա ավելին է, քան Կառավարության ծրագրով և իշխող «Քաղաքացիական պայմանագիր» կուսակցության նախընտրական ծրագրով նախատեսված ցուցանիշները, որտեղ, մասնավորապես, նշվում էր 7% ցուցանիշը»,— նկատել է նախարարը։

Համեմատության համար նա ներկայացրել է հետևյալ տվյալները. 2025 թվականին, 2017 թվականի համեմատ, Հայաստանի ՀՆԱ-ն աճել է 54%-ով՝ կազմելով 11,3 տրիլիոն դրամ կամ 29,3 միլիարդ դոլար։ Միևնույն ժամանակ, մեկ շնչին ընկնող ՀՆԱ-ն աճել է 2,4 անգամ՝ հասնելով 9500 դոլարի։ «2025 թվականին տնտեսության կառուցվածքում ընդհանուր արտադրողականությունը, 2017 թվականի համեմատ, աճել է ավելի քան 2 անգամ՝ մեկ հոգու հաշվով կազմելով ժամում 11,3 դոլար», — հավելել է Պապոյանը։