Ուկրաինան ստեղծում է Patriot համակարգի սեփական այլընտրանքը. The Telegraph

Եվրոպական անալոգի ստեղծման անհրաժեշտությունն առաջացել է Ուկրաինայում Patriot-ի հրթիռների դեֆիցիտի պատճառով, ինչը սրվել է ԱՄՆ-Իրան պատերազմի ֆոնին, երբ Վաշինգտոնը ստիպված կրճատել է մատակարարումները։

Դեֆիցիտի պատճառով Ուկրաինայի նախագահ Վլադիմիր Զելենսկին Բրիտանիայի վարչապետ Քիր Սթարմերի հետ բանակցություններից հետո առաջարկել է այս նախագիծը, որին պատրաստ են աջակցել նաև Ֆրանսիան ու Գերմանիան։ Գործընթացին ներգրավվել է նաև ՆԱՏՕ-ն։

The Telegraph-ի տվյալներով՝ ծրագիրը նախատեսում է տեխնոլոգիաների ինտեգրում, որտեղ Ուկրաինան կզբաղվի հակաբալիստիկ որսիչ հրթիռների արտադրությամբ (որոնք արդեն առաջին փորձարկումներն են անցնում), իսկ եվրոպական ընկերությունները կտրամադրեն առաջադեմ ռադարներն ու ուղղորդման համակարգերը։

Միևնույն ժամանակ, Ուկրաինան ձգտում է նաև ամերիկյան լիցենզիաներ ստանալ սեփական տարածքում բնօրինակ PAC-3 հրթիռների արտադրություն հիմնելու համար, իսկ Զելենսկին պաշտոնյաներին ժամկետ է տվել մինչև հունիսի 12-ը՝ գործընկերների հետ Patriot համակարգերի շուրջ վերջնական համաձայնության հասնելու համար։