Ընտրակաշառք տվող-ստացողների նկատմամբ գնում ենք առավել խիստ խափանման միջոցների․ Հակակոռուպցիոն կոմիտեի նախագահ

Այն հարցին, թե ընթացքի մեջ գտնվող գործերից այս պահի դրությամբ որքան բացահայտված պարոն Նահապետյանը պատասխանել է, որ վիճակագրական տվյալների վերաբերյալ պարբերաբար հաղորդագրություններ են հրապարակվում ֆեյսբուքյան էջում։ Ըստ այդմ՝ հունիսի 8-ի կամ 9-ի դրությամբ արձանագրվել է 115 քրեական վարույթ։ Հարուցված քրեական հետապնդումների շրջանակում շուրջ 240-ից ավելի անձանցից 100-ը կալանավորված են, իսկ մնացածի նկատմամբ ընտրված են այլընտրանքային խափանման միջոցներ։ Հետապնդումները հիմնականում առնչվում են ընտրակաշառք տալուն և ստանալուն, ինչպես նաև առկա են բարեգործության արգելքի խախտման դեպքեր։

Այս հիմնական ցուցանիշները ներառվել են նաև տեսահոլովակներում, որոնց միջոցով իրազեկվել է հանրությունը։ Պարոն Նահապետյանը նաև հայտնել է, որ քանի որ կոմիտեն խիստ է պայքարում նմանատիպ հանցագործությունների դեմ, կիրառվում են դատավարական հարկադրանքի ավելի խիստ միջոցներ։ 

Հիմնական դեպքերում ընտրակաշառք տվող և ստացող քաղաքացիների նկատմամբ առավել խիստ խափանման միջոց՝ կալանք կամ տնային կալանք կիրառելու միջնորդություններ են ներկայացվում դատարան։ Դատական դեպարտամենտի համապատասխան հաղորդագրությունից հայտնի է դարձել, որ ներկայացված միջնորդությունների գրեթե 90%-ը դատարանները բավարարել են, և միայն 10%-ի դեպքում դատարանները չեն համաձայնել նախաքննական մարմնի հետ՝ կիրառելով այլընտրանքային խափանման միջոցներ կամ ընդհանրապես չհաստատելով