Նրա խոսքով՝ եվրասիական կառույցների շրջանակում գործակցությունը իրական ու զգալի առավելություններ է տալիս Հայաստանին, այլ ոչ թե «դատարկ խոստումների»։

«Ակնհայտ է, որ հայաստանյան հասարակության լայն շերտերում ցանկություն կա հետևողականորեն զարգացնել հայ-ռուսական հարաբերությունները և շարունակել երկրի անդամակցությունը եվրասիական ինտեգրացիոն կառույցներին, որոնք իրական ու շոշափելի օգուտներ են բերում», — «Sputnik» ռադիոկայանի եթերում ասել է Զախարովան։

Նա նշել է, որ Ռուսաստանի և Հայաստանի միջև երկկողմ կապերին աջակցելու հիմքում ընկած է հենց այդ փոխգործակցության գործնական օգուտների գիտակցումը։

Դիվանագետի պնդմամբ՝ այս պահանջարկը ձևավորվում է ոչ թե մանիպուլյացիաների կամ քաղաքական խոստումների ազդեցությամբ, այլ համագործակցության կոնկրետ արդյունքների հիման վրա։

«Մարդիկ տեսնում են այդ արդյունքները, գնահատում են դրանք և կողմ են հարաբերությունների հետագա զարգացմանը», — ընդգծել է Զախարովան։