Լաս Վեգասում ներկայացվել են ռոբոտ-մերկապարուհիներ (լուսանկարներ, տեսանյութ)

Լաս Վեգասում մեկնարկած CES տեխնոլոգիական ցուցահանդեսի շրջանակում ներկայացվել են ռոբոտ-մերկապարուհիներ, գրում է The Daily Mail-ը՝ նկատելով, որ անշունչ մեխանիզմները շատ զգացմունքային ու սեքսուալ պարային շարժումներ են անում:

Անդրոիդ ռոբոտների հեղինակը բրիտանացի Ջիլս Ուոլքերն է, որի խոսքով՝ էլեկտրոնային մերկապարուհիները ստեղծվել են տարբեր սարքերի մնացորդներից:

«Իրականում ես շատ սեքսուալ բան եմ ստեղծել աղբից»,-ասել է բրիտանացին:

Ուոլքերը չի բացառում, որ կգա մի ժամանակ, երբ իր ստեղծած ռոբոտներն ակումբներում կփոխարինեն իսկական մերկապարուհիներին:

Ներկայում նրա աշխատանքները ցուցադրված են Sapphire Gentleman's Club գիշերային ակումբում, որտեղ դրանք մնալու են մինչև հունվարի 13-ը: Հետաքրքրական է, որ ռոբոտ-մերկապարուհիները համալրված են տեսախցիկներով՝ պարին հետևողների արձագանքը ֆիքսելու համար: