«Չինաստանը կարող է դառնալ պայմանավորվածությունների կատարման երաշխավորը», - գործակալությունը մեջբերել է նրա խոսքերը։

Ֆիրուզաբադին նաև ասել է, որ «Հորմուզի նեղուցը Իրանի նոր ռազմավարական գործիքն է»։

Նրա խոսքով՝ «պայմանները պահանջում են, որ մենք իրականացնենք ինքնիշխան վերահսկողություն Հորմուզի նեղուցի նկատմամբ»։ Նա հավելել է, որ նեղուցը Թեհրանի ճնշման լծակներից մեկն է։

Սակայն նա պարզաբանել է, որ Իրանը «պետք է հավասարակշռություն սահմանի ազգային անվտանգության և Հորմուզի նեղուցում միջազգային նավագնացության ազատության միջև»։

«Իրանը և Օմանը որոշում են Հոմուզի նեղուցի իրավական ճակատագիրը», - ընդգծել է Ֆիրուզաբադին։

Իրանի Միջազգային հարաբերությունների ռազմավարական խորհուրդը վերլուծական կենտրոն է և բարձրագույն խորհրդատվական մարմին, որը ստեղծվել է 2006 թվականին, Իրանի գերագույն առաջնորդին առընթեր։ Այն զբաղվում է արտաքին քաղաքական ռազմավարության մշակմամբ և Իրանի իշխանություններին խորհրդատվություն տրամադրելով։