Վարդան Օսկանյանը Վահե Հովհաննիսյանի եւ Երվանդ Բոզոյանի որոշման մասին

Այսօր լրագրողները «Համախմբում» կուսակցության նախագահ Վարդան Օսկանյանին հարցրել են, թե ինչու «Օհանյան-Րաֆֆի-Օսկանյան» դաշինքում ընդգրկված չեն Երվանդ Բոզոյանը եւ Վահե Հովհաննիսյանը, եւ ինչու նրանք չեն մասնակցելու քարոզարշավին:

Պրն Օսկանյանը շեշտել է, որ Վահե Հովհաննիսյանը օրերս հայտարարություն է տարածել եւ ամեն ինչ շատ պարզ եւ մանրամասնորեն բացատրել է: «Վահե Հովհաննիսյանը «Համախմբում» կուսակցության վարչության անդամ է եւ մասնակցելու է ընտրարշավին, ամեն ինչով կլինի մեր կողքին եւ իր ներդրումը կբերի: Ես վստահ եմ, որ հենց այդպես էլ կլինի»,- ասել է նա:

Վարդան Օսկանյանը նաեւ ավելացրել է, որ Երվանդ Բոզոյանը նույնպես շարունակում է մնալ կուսակցության վարչության անդամ եւ ակտիվորեն մասնակցելու է քարոզարշավին: «Երվանդ Բոզոյանն ինքը չի ցանկացել լինել համամասնական ցուցակում, հակառակ դեպքում, կարծում եմ, կլիներ առաջին տասնյակում»,- ավելացրել է նա:

Կուսակցության նախագահը նաեւ ասել է, թե Վահե Հովհաննիսյանի պատգամավոր է եւ պարտավոր էր իր որոշման մասին հանդես գալ պարզաբանումով՝ ինչը եւ արել է:

Top-News.am

Այս թեմայով «Փաշինյանն ապրում է պոտենցիալ վախի մեջ». Երվանդ Բոզոյան (տեսանյութ) Երվանդ Բոզոյան. Ի՞նչ պետք է անենք, որ ղարաբաղյան շարժման 40-ամյակը Երևանում նշենք մենք... Երվանդ Բոզոյան. «Ադրբեջանը աշխարհում աջակցություն չունի»