Հոնկոնգը՝ օտարերկրյա կապիտալի ամրագրման առաջատար համաշխարհային կենտրոն

Հոնկոնգը շրջանցել է Շվեյցարիային՝ դառնալով օտարերկրյա կապիտալի ամրագրման առաջատար համաշխարհային կենտրոնը: Սա պատմության մեջ առաջին դեպքն է, և իրավիճակը դժվար թե փոխվի, քանի որ ասիական հանգույցներն ավելի արագ են աճում, քան եվրոպական «ապահով նավահանգիստը». հայտարարել է «Boston Consulting Group»-ը (BCG)։

Ըստ BCG-ի «Global Wealth Report 2026» (Համաշխարհային բարեկեցության զեկույց 2026) հաշվետվության՝ Չինաստանից ներհոսող կապիտալը և 2025 թվականի IPO-ների (բաժնետոմսերի առաջնային տեղաբաշխման) բումն օգնել են Հոնկոնգին վերածվել 2,95 տրիլիոն դոլարանոց օֆշորային հսկայի՝ աշխարհի մեծահարուստների համար՝ չնչին տարբերությամբ գերազանցելով Շվեյցարիայի անդրսահմանային կապիտալի 2,94 տրիլիոն դոլարի ցուցանիշը։

«Հոնկոնգն ամրապնդում է իր դերը՝ որպես Չինաստանի դարպաս դեպի համաշխարհային շուկաներ, թեև այդ նույն կենտրոնացվածությունը նրա զարգացման հետագիծը սերտորեն կապում է մայրցամաքային Չինաստանի տնտեսական և կարգավորող փոփոխությունների հետ»,- նշել են զեկույցի հեղինակները։

Կանխատեսվում է, որ թե՛ Հոնկոնգը, թե՛ Սինգապուրը կշարունակեն աճել որպես անդրսահմանային կապիտալի ամրագրման կենտրոններ՝ մինչև 2030 թվականը՝ տարեկան մոտ 9%-ով, մինչդեռ նույն ժամանակահատվածում Շվեյցարիայում սպասվում է միջինը 6% աճ։

Անդրսահմանային կապիտալի ծավալն ամբողջ աշխարհում անցյալ տարի աճել է 8,4%-ով՝ հասնելով 15,7 տրիլիոն դոլարի, ինչին նպաստել են ակտիվ շուկաներն ու աշխարհագրական դիվերսիֆիկացիայի նկատմամբ մեծացած պահանջարկը: