Ռյուտե. Ուկրաինայի համար ԱՄՆ-ի զենքի մեծ մասը ներկայումս գնում են ՆԱՏՕ-ի մի քանի երկրներ
ՆԱՏՕ-ի վեց կամ յոթ եվրոպական երկրներ գնում են ամերիկյան զենքի մեծ մասը Ուկրաինայի համար։ Այս մասին լրագրողներին ասել է ՆԱՏՕ-ի գլխավոր քարտուղար Մարկ Ռյուտեն՝ Հելսինգբորգում ՆԱՏՕ-ի արտաքին գործերի նախարարների հանդիպմանը ժամանելուն պես։
«Զենք և ռազմական տեխնիկա, հրթիռային պաշտպանության համակարգեր և դրանց համար նախատեսված հրթիռներ, այդ թվում՝ Patriot համակարգեր, ԱՄՆ-ից անընդհատ մատակարարվում են Ուկրաինա PURL ծրագրի շրջանակներում, և դրանց համար վճարում են եվրոպական երկրները», - ասել է Ռյուտեն։
«Ես ուզում եմ ապահովել, որ ֆինանսական բեռը ավելի հավասարաչափ բաշխվի։ Ներկայումս այս ծրագրի մեծ մասը ստանձնում են ՆԱՏՕ-ի միայն վեց կամ յոթ երկրներ։ Լավ նորությունն այն է, որ առայժմ սա բավարար է, որպեսզի Ուկրաինան շարունակի հասանելիություն ունենալ ամերիկյան հիմնական զենքերին, բայց, իհարկե, արդարացի կլինի, որ ՆԱՏՕ-ի մյուս եվրոպական երկրները նույնպես մասնակցեն», - հավելել է նա։
Ռյուտեն նշել է, որ նախարարական հանդիպման հիմնական թեմաները, Կիևին զենք մատակարարելուց բացի, կլինեն հուլիսին Անկարայում կայանալիք ՆԱՏՕ-ի գագաթնաժողովի նախապատրաստական աշխատանքները, այդ թվում՝ դաշինքի պաշտպանական ծախսերի ավելացման և «Ռուսաստանին զսպելու» համար զենքի արտադրությունը ընդլայնելու ծրագրերի քննարկումները, որը Ռյուտեն անվանել է «ՆԱՏՕ-ի համար երկարաժամկետ սպառնալիք»։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
ՀՀ Կառավարության կազմը
DAF մակնիշի բեռնատարը բախվել է հողաթմբին
Քնած մարդկանց առավոտվա ժամը 06.00-ին դուբինկեքով սատկացնելը համարում եք նորմալ, սա խնդիր է. Ռուբինյա...
Հուլիսը եղել է BYD-ի ամենահաջող ամիսը
Վարչապետ Փաշինյանը երկօրյա աշխատանքային այցով մեկնել է Ղրղզստան
Որքան է կազմում ՀՀ մշտական բնակչությունը
Կասեցվել է «ՆՆ Հոլդինգ»-ին պատկանող հացի և տորթերի արտադրամասի գործունեությունը
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Արիանա Գրանդեն որոշել է ժամանակավորապես հեռանալ հանրային տեսադաշտից