Պատերազմը դադարեցնել ձգտող պետությունները պետք է հաշվի առնեն Թեհրանի տեսակետը․ Էբրահիմ Ռասուլի

Իրանի իշխանությունները մտադիր չեն շարունակել հնարավոր երկխոսությունը ԱՄՆ-ի հետ այն ձևաչափով, որը գոյություն ուներ տարածաշրջանում ռազմական բախումից առաջ, հայտարարել է Մեջլիսի (խորհրդարանի) խոսնակի խորհրդական Էբրահիմ Ռասուլին։

«Իրանի և ԱՄՆ ներկայացուցիչների միջև ենթադրյալ հանդիպման մասին լուրը շատ հեռու է իրականությունից», - հայտարարել է Ռասուլին, որին մեջբերել է լիբանանյան «Ալ-Մայադին» հեռուստաալիքը։ Խորհրդականի խոսքով՝ Թեհրանը «չի վերադառնա այն բանակցային շրջանակին, որը ամերիկացիները ստեղծել էին ագրեսիայից առաջ»։ Ռասուլին պարզաբանել էր է, որ նախկինում ներկայացված նախաձեռնությունները ընդհանուր էին, բայց հիմա իրենք են որոշում մանրամասները և թելադրում պայմանները»։

Մեջլիսի խոսնակի խորհրդականը հայտարարել է, որ Իրանը չի ցանկանում, որ «Ամերիկային վաճառված» երկրները և Իսրայելը «շահեն Հորմուզի նեղուցի շահագործումից»։ «Եվ դա մեր իրավունքն է», - ասել է Ռասուլին։ Նա նաև շեշտել է, որ «պատերազմը դադարեցնել ձգտող պետությունները պետք է հաշվի առնեն Թեհրանի տեսակետը»։